លោក Abu Baka Fadzim គ្រូបង្វឹកក្រុម PKNP បានបង្ហាញមូលហេតុមួយក្នុងចំណោមមូលហេតុជាច្រើនដែលចុះកុងត្រាយកកែវ សុខផេងដោយសារតែកីឡាកររូបនេះ មានលក្ខណៈពិសេស តាមអ្វីដែលលោកនិងក្លឹបត្រូវការ។
ខ្សែប្រយុទ្ធជម្រើសជាតិកម្ពុជារូបនេះបានចុះកុងត្រាយក កែវ សុខផេងកាលពីខែធ្នូឆ្នាំ២០១៧ ហើយរូបគេបានបង្ហាញខ្លួនក្នុងការប្រកួតមិត្តភាពមុនបើករដូវកាល ប៉ុន្តែពេលរូបគេរបួសសរសៃពួរបានទៅហើយ។
ក្លឹបមានមូលដ្ឋាននៅតំបន់ Ipoh មិនបានឡើងមកលេងនៅលីកកំពូលទេ កាលពីដំបូងដោយបញ្ចប់ចំណាត់ថ្នាក់លេខ៣ក្នុងលីកទី២ ប៉ុន្តែការកាត់ចេញពីរក្រុមនៅលីកកំពូលគឺ T-Team និង Felda United។ ក្រុមមួយនេះបានផ្ដល់ឱកាសឲ្យឡើងមកលេងនៅលីកកំពូលដោយសារមានស្ថានភាពហិរញ្ញវត្ថុខ្លាំង។
ក្លឹបមួយនេះមានលុយប្រហាក់ប្រហែលជាង៦លានរូពីម៉ាឡេស៊ី តែយ៉ាងណាក្លឹបមួយនេះមានលុយក្រៅមិនត្រូវបានបង្ហាញឲ្យដឹង ទោះបីជាត្រូវអនុញ្ញាតឲ្យឡើងមកលីកកំពូល។ គ្រូបង្វឹក PKNP បាននិយាយថា៖” យើងចុះកុងត្រាយក សុខផេងដោយសារតែគាត់មានគោលបំណងលេងក្រៅប្រទេស ហើយគាត់ទទួលយកសំណើដំបូងរបស់យើង។ កីឡាករវ័យ២៦ឆ្នាំត្រូវបានភ្នាក់ងារដ៏គួរឲ្យទុកចិត្ត បានណែនាំយើងហើយ ប្រាក់ឈ្នួលរបស់គាត់សមរម្យនឹងលុយដែលយើងមាន។ លើសពីនេះគាត់មានបទពិសោធន៍លេងក្នុងជម្រើសជាតិ”។
“សុខផេង ទើបតែចូលរួមជាមួយពួកយើងបាន១០ថ្ងៃប៉ុណ្ណោះ ហើយកំពុងតែសម្របខ្លួន គាត់ក្លាហាន លឿន និងមានកម្លាំងខ្លាំង ហើយទាំងនេះគឺជាអ្វីដែលយើងរំពឹងលើកីឡាករកម្ពុជា។ គាត់មានបញ្ហារបួសសរសៃពួរ ប៉ុន្តែក្រុមគ្រូពេទ្យរបស់យើងប្រាប់ថាគាត់អាចត្រៀមខ្លួនរួចរាល់សម្រាប់រដូវកាលថ្មី”។
អតីតកីឡាករបឹងកេតអង្គរ និងភ្នំពេញក្រោនរូបនេះ គឺជាខ្សែបម្រើប្រយុទ្ធដ៏មុតស្រួចដែលអាចលេងក្នុងតំបន់ស្លាបទាំងសងខាងបានល្អដូចគ្នា។
គ្រូបង្វឹករូបនេះបានបន្តទៀតថា៖ ខ្ញុំសង្ឃឹមថាសុខផេង នឹងសហការគ្នាបានយ៉ាងល្អនិងលេងយល់ចិត្តគ្នាជាមួយខ្សែប្រយុទ្ធ Shanhrel Firkri Fauzi នៅពេលដែលលីកចាប់ផ្ដើម។ គោលបំណងរបស់ពួកយើងក្នុងការប្រកួត MSL ខាងមុខនឹងមានការវិវត្តន៍ដល់កីឡាករក្មេងៗរបស់យើង។សម្រាប់សុផេងយើងនឹងបើកឱកាសឲ្យគាត់លេងក្នុង MSL នាពេលអនាគតខាងមុខនេះ”៕
រូបថត៖ PKNP
