ក្លឹប Real Madrid បានសម្លឹងឃើញគ្រូបង្វឹកក្រុម Spurs លោក Pochettino ជាអ្នកជំនួសនិងស្នងដំណែងគ្រូបង្វឹកបច្ចុប្បន្នលោក Zinedine Zidane ប៉ុន្តែមិនមែនឆាប់ៗនេះទេ។
គ្រូបង្វឹកសញ្ជាតិអាហ្សង់ទីនបានអភិវឌ្ឍន៍ខ្លួនក្លាយជាគ្រូបង្វឹកលំដាប់កំពូលជួយ Tottenham ក្លាយជាក្លឹបជើងខ្លាំងប្រជែង Premier League យ៉ាងសកម្មមួយក្នុងប៉ុន្មានឆ្នាំចុងក្រោយ បន្ទាប់ពីសាងឈ្មោះល្បីកាលនៅជាគ្រូបង្វឹក Espanyol និងSouthamton និងទទួលបានការចាប់អារម្មណ៍ពីក្លឹបធំក្នុងតំបន់អឺរ៉ុប។
Real Madrid គ្មានគម្រោងបោះបង់ Zidane ចោលនោះទេ បន្ទាប់ពីគ្រូបង្វឹករូបនេះ ជួយក្លឹបលើកពាន Champions League ២ដងជាប់ៗគ្នាប៉ុន្តែ ពួកគេកំពុងរកជម្រើសដទៃទៀត ដើម្បីរក្សាសុវត្ថិភាពក្លឹបនៅពេលមានបញ្ហាណាមួយ។
ប្រសិនបើ គ្រូបង្វឹកសញ្ជាតិបារាំងត្រូវចាកចេញ ឬផុតកុងត្រាជាមួយក្លឹបដោយប្រការណាមួយនោះ លោក Pochettino នេះហើយដែលជាអ្នកមកស្នងដំណែងគ្រូបង្វឹក Real មុនគេ៕
