កាលពីប៉ុន្មានថ្ងៃមុន ក្លឹបបាល់ទាត់ Revolusi Terengganu FAលេងក្នុងលីកកំពូលម៉ាឡេស៊ី (MSL) បានសរសេរក្នុងគណនីហ្វេសបុកផ្លូវការរបស់ខ្លួនថា ចាន់ វឌ្ឍនាកា អាចជាកីឡាករក្នុងកូតាអាស៊ានដែលនឹងត្រូវលេងនៅក្លឹបមួយនេះ សម្រាប់រដូវកាល២០១៨។
ក្នុងគណនីហ្វេសបុកនោះ ក្លឹបខាងលើបានសរសេរជាភាសាម៉ាឡេស៊ី ដែលមានអត្ថន័យថា ខ្សែប្រយុទ្ធជម្រើសជាតិកម្ពុជាជាកីឡាករអាស៊ានសម្រាប់បំពេញកូតារកីឡាករបរទេសត្រៀមរដូវកាល២០១៨។
សម្រាប់ចុងឆ្នាំ២០១៧នេះ ចាន់ វឌ្ឍនាកា ដែលជិតចប់កុងត្រាលេងជាមួយក្លឹបលីកទីបីជប៉ុន Fuijieda FC រូបគេមានព័ត៌មានទាក់ទងជាមួយនឹងការផ្ទេរទៅលេងនៅលីកកំពូលថៃ ម៉ាឡេស៊ីនិងអឺរ៉ុបផងដែរ៕
