ឱពុក​បង្កើត​របស់​លោក Inoue Kazunori ដែល​ជា​គ្រូ​បង្វឹក​ក្រុម​ជម្រើស​ជាតិ​កម្ពុជា ក្រោម​អាយុ​១៨ ឆ្នាំ​(U18) បាន​ចែកឋាន​​កាល​ពី​ពេល​ថ្មីៗ​ ខណៈ​គ្រូ​បង្វឹក​រូប​នេះ​សម្រេច​ចិត្ត​មិន​ទៅ​ចូលរួម​បុណ្យ​សព​ឱពុក​​នៅ​ស្រុក​កំណើត​នោះ​ទេ ក្រោម​ហេតុ​ផល​ដែល​​ជនជាតិ​ខ្មែរ​គ្រប់រូប​​គួរ​ឱ្យ​គោរពស្ញប់ស្ញែង​​ដល់​ការ​បូជា​របស់​លោក ជូន​​ប្រជាជាតិ​អាស៊ាន​មួយ​នេះ។

យោង​តាម​ទំព័រហ្វេសប៊ុក​របស់​សហព័ន្ធ​កីឡា​បាល់ទាត់​កម្ពុជា បាន​បញ្ជាក់​ថា​ឱពុក​របស់​លោក Inoue Kazunori បាន​ប្រាប់​លោក​ថា​៖«នៅ​ពេល​ឪពុក​របស់​ខ្ញុំ​គាត់​នៅ​រស់​គាត់​បាន​ប្រាប់​ខ្ញុំ​ថា​កុំ​អោយ​កម្ពុជា ចាញ់!»។ មែនទែន​ទៅ​បុរស​ជនជាតិ​ជប៉ុន រូប​នេះ​នឹង​ដឹកនាំ​ក្រុម​ជម្រើសជាតិ​កម្ពុជា​ក្រោម​អាយុ​១៨​ឆ្នាំ ទៅ​ហ្វឹកហាត់​នៅ​ប្រទេស​ថៃ រយៈពេល​១សប្ដាហ៍ ដោយ​ចេញ​ដំណើរ​ទៅ​នៅ​ថ្ងៃ​អាទិត្យ ចុង​សប្ដាហ៍​នេះ មុន​បន្ត​ទៅ​ប្រកួត​ជើង​ឯក​អាស៊ានAFF U18 Championship 2017​នៅ​ប្រទេស​មីយ៉ាន់ម៉ា។

លោក Inoue Kazunori គ្រូ​បាន​ធ្វើដំណើរ​មក​ដឹកនាំ​ក្រុម​យុវជន​សាលា​បាល់ទាត់​ជាតិ​កម្ពុជា កាល​ពី​ឆ្នាំ​២០១៦ ហើយ​អំឡុង​ពេល​​នោះ​ដែរ​លោក​ត្រូវ​បាន​សហព័ន្ធ​កីឡា​បាល់ទាត់​កម្ពុជា តែតាំង​ឱ្យ​ដឹងនាំ​ក្រុម​ជម្រើស​ជាតិ U16 របស់​កម្ពុជា​ផង​ដែរ៕