លោក Leonardo Vitorino គ្រូបង្វឹកក្រុមជម្រើសជាតិកម្ពុជា បានផុសផេកហ្វេសបុកផ្លូវការរបស់ខ្លួនថា លោកលែងជាគ្រូបង្វឹកក្រុមបាល់ទាត់ជម្រើសជាតិកម្ពុជាទៀតហើយ។
គ្រូបង្វឹកសញ្ជាតិប្រេស៊ីលបានមកដឹកនាំក្រុមជម្រើសជាតិកម្ពុជាជិតមួយឆ្នាំមកហើយ ប៉ុន្តែលោកហាក់មិនទទួលបានជោគជ័យនោះទេ ដោយដឹកនាំប៉ុន្មានប្រកួតកន្លងមកលោកបានដឹកនាំក្រុមកម្ពុជាឈ្នះត្រឹមតែមួយប្រកួតប៉ុណ្ណោះ។ ការមានបញ្ហាជាមួយកីឡាករ ក្រុមជម្រើសជាតិកម្ពុជាក្នុងព្រឹត្តិការណ៍ស៊ីហ្គេម២០១៧នៅម៉ាឡេស៊ី និងការដឹកនាំមិនសូវទទួលបានជោគជ័យ ប្រហែលជាមូលហេតុនៃការចាកចេញពីកៅអីគ្រូបង្វឹករូបនេះផងក៏មិនដឹង។
ក្នុងផេកផ្លូវការរបស់លោក អតីតគ្រូបង្វឹកក្លឹបលីកកំពូលឡាវ Lanxange United បានសរសេរដូច្នេះ៖”
<<សូមអរគុណដល់អ្នកគាំទ្រកម្ពុជាចំពោះពេលវេលាដ៏អស្ចារ្យ ។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះប្រជាជនទាំងអស់ដែលធ្វើអោយខ្ញុំមានឱកាសធ្វើការនៅទីនេះ (បុគ្គលិកមន្ត្រីរាជការ កីទ្ឡាករអ្នកគ្រប់គ្រងនិងគ្រូបង្វឹក) ។
សូមអភ័យទោសចំពោះការមិនអាចផ្លាស់ប្តូរអ្វីមួយបាន។ ខ្ញុំសូមជូនពរដល់សហព័ន្ធកីឡាបាល់ទាត់កម្ពុជាទទួលបានការរីកចំរើននិងល្អបំផុត ហើយសូមអរគុណចំពោះឱកាសអោយខ្ញុំដើម្បីដឹកនាំបាល់ទាត់ក្រុមជំរើសជាតិកម្ពុជា
សូមអរគុណផងដែរអ្នកឧបត្ថម្ភ: Smart, SCG, Clear … នឹង អ្នកដ៏ទៃទៀត ។
ខ្ញុំនឹងមិនភ្លេចអ្នកគាំទ្រកម្ពុជាទេ !!!>>
