លោក Carlo Mastellon គ្រូបង្គោលក្រុមយុវជនថ្នាលរបស់ក្លឹប Juventus និងជាអ្នកចាត់ការទូទៅផ្នែកសាលាយុវជនថ្នាលក្នុងតំបន់អាស៊ីបានបង្ហើបឲ្យដឹង ពីគម្រោងបង្កើតសាលាបាល់ទាត់យុវជនថ្នាលមួយក្នុងប្រទេសវៀតណាម។
ប្រសិនបើគម្រោងនេះត្រូវបានបើក ទីក្រុងហូជីមិញនឹងក្លាយជាសាលាបាល់ទាត់យុវជនថ្នាលរបស់ Juventus ដំបូងគេនៅតំបន់អាស៊ាន។ លោក Mastellon បាននិយាយក្នុងកាសែត Tuoi Tre Newspaper ថា៖” វៀតណាមគឺជាប្រជាជាតិមួយដែលមានប្រជាប្រិយភាពក្នុងបាល់ទាត់ដែលមានអ្នកគាំទ្រដ៏ងប់ងុលទៅលើបាល់ទាត់។ ខ្ញុំដឹងថានៅទីនេះមានអ្នកគាំទ្របាល់ទាត់អ៊ីតាលីជាច្រើន។ ថ្មីៗនេះប្រព័ន្ធយុវជនថ្នាលក្នុងប្រទេសវៀតណាម កំពុងតែអភិវឌ្ឍន៍ ដូច្នេះហើយយើងចង់ចូលរួមក្នុងដំណើរការនេះ”។
“ យើងចង់សាងសង់គម្រោងមួយដើម្បីអភិវឌ្ឍន៍លក្ខខណ្ឌរាងកាយនៃកីឡាករវ័យក្មេងរបស់វៀតណាម។សាលាបាល់ទាត់របស់Juventus ក្នុងប្រទេសវៀតណាមនឹងរួមបញ្ចូលទាំងបច្ចេកវិទ្យាទំនើបបំផុតសម្រាប់កីឡាករវ័យក្មេង មានអាហារបំប៉ន វិទ្យាសាស្ត្រ ការពង្រឹងផ្នែកស្មារតី និងគំនិតបាល់ទាត់”លោកបានបន្ត។
ការបើកសលាយុវជនថ្នាលរបស់ Juventus នឹងក្នុងទីក្រុងហូជីមិញនឹងនឹងក្លាយជាការបន្ថែមប្រភពកីឡាកររបស់វៀតណាម ខណៈសលាបាល់ទាត់មួយចំនួន កំពុងដំណើរការមានដូចជាសាលាយុវជនថ្នាលរបស់ Hoang Anh Gia Lai, PVF, និង Viettel Academy ៕
