Kelantan FA បានដេញគ្រូបង្វឹកលោក Sathit Bensoh កាលពីថ្ងៃព្រហស្បតិ៍បន្ទាប់ពីដឹកនាំបីប្រកួតកន្លងមក ទទួលបានលទ្ធផលមិនបានល្អក្នុង Malaysia Super League ។
លោកគឺជាគ្រូបង្វឹកដែលក្លឹបនៅលីកកំពូលម៉ាឡេស៊ីដកដំណែងមុនគេបំផុតក្នុងរដូវកាលនេះ។ បច្ចុប្បន្នក្លឹបមួយនេះកំពុងនៅបាតតារាងក្រោយឆ្លងកាត់បីប្រកួតស្មើមួយ នឹងចាញ់២ប្រកួត។
លោក Bibi Ramjani Illias Khan ប្រធានក្លឹប Kelantan FA បាននិយាយថាគ្រូជំនួយលោក Yusri Che Lah នឹងទទួលបន្ទុកដឹកនាំបន្ត រហូតដល់គ្រូបង្វឹកថ្មីត្រូវបានប្រកាសតែងតាំងផ្លូវការ។ អតីតគ្រូបង្វឹកកាលពីមុនលោក Velizar Popov ត្រូវបានគេនិយាយថាជាបេក្ខភាពម្នាក់ក្នុងចំណោមបីបាក់ដែលនឹងត្រូវមកដឹកនាំក្លឹប។
យ៉ាងណាក៏ដោយ ប្រធានក្លឹបខាងលើបាននិយាយបដិសេធពីការយកគ្រូបង្វឹកសញ្ជាតិប៊ុលហ្គារីមកដឹកនាំម្ដងទៀត។
“ គ្រូបង្វឹកសញ្ជាតិប៊ុលហ្គារី មិនស្ថិតក្នុងបញ្ជីគ្រូបង្វឹករបស់យើងទេ“៕
