យើងសូមបង្ហាញស្ថានភាពរបស់ខ្សែប្រយុទ្ធកំពូលកម្ពុជា២រូប និងមីយ៉ាន់ម៉ា២រូបដែលកំពុងប្រកបអាជីពនៅលីកកំពូលម៉ាឡេស៊ី និងលីកកំពូលថៃរៀងៗខ្លួន។ តើពួកគេបង្ហាញសមត្ថភាពដល់កម្រិតណាហើយ?
កែវ សុខផេង ជម្រើសជាតិកម្ពុជានិងក្លឹប PKNP FC
ការរំពឹងដ៏ខ្ពស់មួយសម្រាប់កែវ សុខផេងដែលបានក្លាយជាកីឡាករកម្ពុជាទីមួយដែលរកបានគ្រាប់បាល់មុនគេបំផុតក្នុងលីកកំពូលម៉ាឡេស៊ីប៉ុន្តែខ្សែប្រយុទ្ធបែរជាត្រូវអង្គុយបម្រុងវិញ ក្នុងការប្រកួតសប្ដាហ៍ទី៣ក្នុងលីក ដែលក្រុម PKNP ចាញ់Kedah FA ១ទល់០។ បន្ទាប់ពីរកបានគ្រាប់បាល់ក្នុងការប្រកួតដំបូងទៅលលើក្រុម Perak សុខផេង បានចូលលេងជម្រើសដំបូងក្នុងការប្រកួតដែល PKNP ចាញ់ជើងខ្លាំង JDT៣ទល់០ប៉ុន្តែកីឡាករមិនអាចធ្វើអ្វីបានតាមចិត្តចង់នោះទេ។
វាអាចស្ថានភាពដ៏រលាក់មួយសម្រាប់កីឡាករកម្ពុជាតែយ៉ាងវាក៏ជាស្ថានភាពមួយវិជ្ជមានផងដែរ។
ចាន់ វឌ្ឍនាកា ជម្រើសជាតិកម្ពុជានិងក្លឹប Pahang FA
បន្ទាប់ពីការចាប់ផ្ដើមដ៏ពិបាក ចាន់ វឌ្ឍនាកានិង Pahang FA ទទួលបានលទ្ធផលប្រសើរឡើងវិញបន្តិច ដោយបានយកឈ្នះ Kelantan ៣ទល់០កាលពីចុងសប្ដាហ៍។ CV11 ចូលលេងជម្រើសដំបូងហើយបង្ហាញទម្រង់លេងបានប្រសើរឡើងវិញបន្តិចបន្ទាប់ពីក្លឹបចាញ់ PKNP ១ទល់០កាលពីពាក់កណ្ដាលសប្ដាហ៍មុន។
ទោះបីជាគ្រូបង្វឹក Pahang លោក Dollah Salah និយាយរិះគន់តារាបាល់ទាត់កម្ពុជារូបនេះ ដែលបង្ហាញទម្រង់លេងមិនបានល្អ ប៉ុន្តែអ្នកគាំទ្រ Pahang នឹងសង្ឃឹមថា Cristiano Ronaldo របស់កម្ពុជាម្នាក់នេះទើបតែចាប់ផ្ដើមនោះទេ។
Kyaw Ko Ko ជម្រើសជាតិមីយ៉ាន់ម៉ា និងChiangrai United
ក្រោយអង្គុយកៅអីបម្រុងក្នុងការប្រកួតដែលក្រុមរបស់ខ្លួនឈ្នះពាន Thai Champions Cup, Kyaw Ko ko របស់ក្រុមChiangrai United បានជួយក្លឹបឈ្នះការប្រកួតដំបូងក្នុងលីកទល់នឹង Chonburi FC។ខ្សែប្រយុទ្ធជម្រើសជាតិមីយ៉ាន់ម៉ាត្រូវប្ដូរចូលក្រោយអង្គុយកៅអីបម្រុងនៅនាទី៧៧ជំនួសខ្សែបម្រើ Bajram Nebihi។
រូបគេមិនទាន់បានបង្ហាញអ្វីគួរឲ្យកត់សម្គាល់នៅឡើយទេប៉ុន្តែពីទៅបីប្រកួតទៀតហើយបើគេបានលេងពេញលេញយើងនឹងអាចវិនិច្ឆ័យបានហើយថាតើរូបគេអាចរកបានគ្រាប់បាល់ក្នុងលីកមួយដែលមានការប្រកួតប្រជែងនិងមានគុណភាពជាងគេនៅអាស៊ាននេះបានដែរឬទេ?
Aung Thu ជម្រើសជាតិមីយ៉ាន់ម៉ានិងក្លឹប Police Tero
ដោយបានក្លាយជាសំណព្វចិត្តរបស់អ្នកគាំទ្រ តាំងតែពីមិនទាន់ចូលទីលាន កីឡាករ Aung Thu មិនបានខ្ជះខ្ជាយពេលវេលាបង្ហាញសមត្ថភាពឲ្យអ្នកគាំទ្រ Polic Tero នោះទេ។ ចូលលេងក្នុងការប្រកួតដំបូងនៃលីកកំពូលថៃរូបគេចំណាយពេលត្រឹម១០នាទីប៉ុណ្ណោះដើម្បីរកបានគ្រាប់ប៉ុន្តែក្លឹបចាញ់ក្លឹបទើបឡើងមក Prachuap FC ២ទល់៣៕
