ខ្សែ​ប្រយុទ្ធ​ជម្រើស​ជាតិ​មីយ៉ាន់ម៉ា​កីឡាករ Aung Thu ត្រូវ​បាន​គេ​ដឹង​ថា​ ​ខិត​ជិត​បាន​មក​ចូល​រួម​ជាមួយ​ក្លឹប​លេង​នៅ​លីក​កំពូល​ថៃ Police Tero សម្រាប់​រដូវ​កាល​២០១៨ ​នេះ​បើ​តាម​​វេបសាយ​ថៃ TrueID។

អនាគត​របស់​ម៉ាស៊ីន​រក​គ្រាប់​បាល់​មីយ៉ាន់ម៉ា​ម្នាក់​នេះ ​ត្រូវ​បាន​ប្រធាន​ក្លឹប​ Police Tero ចាប់​អារម្មណ៍​ ហើយផុស​ក្នុង​បណ្ដាញ​ស្គម​ហ្វេសបុក​របស់​ខ្លួន​ ជាមួយ​នឹង​ការ​សរសេរ​៖” ឈ្មោះ​របស់​គាត់​គឺ ​Aung Thu ”។

កីឡាករ​វ័យ​២១​ឆ្នាំ​ បាន​ក្លាយ​ជា​តារា​របស់​ប្រជាជន​មីយ៉ាន់ម៉ា​ ចាប់​តាំង​ពី​បង្ហាញ​ខ្លួន​ឲ្យ​ជម្រើស​ជាតិ​មីយ៉ាន់ម៉ា​ វ័យ​ក្រោម​១៩​ឆ្នាំ​បាន​ឡើង​ទៅ​លេង​នៅ​ 2015 FIFA U-20 World Cup ជា​លើក​ទី​មួយ​ក្នុង​ប្រវត្តិសាស្រ្ត។

លេង​នៅ​ក្លឹប​ Yadanarbon FC ចប់​តាំង​ពី​ឆ្នាំ​២០១៣​មក​កីឡាករ​រូប​នេះ​រក​បាន​១៥​គ្រាប់​ក្នុង​៣២​ប្រកួត។ ទម្រង់​លេង​របស់​គេ​គឺ​ការ​បង្កើត​ឱកាស​រក​ចំណុច​ទាត់​បញ្ជូល​ទី​៕