គ្រូបង្វឹកបិសាចក្រហម Manchester United លោក Jose Mourinho ត្រូវបានគេដឹងថារៀបចំឯកសារផ្ទេរ ដើម្បីចុះកុងត្រាយកខ្សែការពារ Tottenham កីឡាករ Danny Rose ក្នុងរដូវកាលទីផ្សាដោះដូរកីឡាករក្នុងខែមករាខាងមុខ។
បើតាមប្រភព The Sun បិសាចក្រហម មានគម្រោងយកខ្សែការពារស្លាបឆ្វេងរូបនេះ ដែលកំពុងបង្ហាញពីការចង់ចាកចេញពីក្រុមមាន់ខ្នាយមាស។ ប៉ុន្មានខែមុន Rose បង្ហាញការរិះគន់ក្លឹបទាក់ទងទៅ នឹងនយោបាយទិញដូរកីឡាករ និងសើរើប្រាក់ឈ្នួល ដែលរូបគេសង្កត់ធ្ងន់ថា ទទួលបានមិនសមនឹងសមត្ថភាព។
ទោះបីជាកីឡាករវ័យ២៧ឆ្នាំ មានព័ត៌មានចាកចេញពីទីផ្សេងៗពិតមែន ប៉ុន្តែ ប្រធានក្លឹបលោក Daniel Levey ហាក់មិនចង់លក់កីឡាកររូបនេះ ទៅឲ្យក្លឹបលេងក្នុង Premier League ដូចគ្នានោះទេ។ ប្រភពដដែលថា៖ ‘ Jose គ្មានអាថ៌កំបាំងអ្វីថាមិនចង់បាន Rose នោះទេ គឺគាត់ នឹងធ្វើការផ្ទេរយកខ្សែការពារជម្រើសជាតិអង់គ្លេសរូបនេះ ក្នុងខែមករាពេលដែលទីផ្សារដោះដូរកីឡាករបានបើក។
Danny Rose អាចនឹងពិបាកផ្ទេរមកកាន់ Old Trafford បន្តិចដោយសារ Spurs មិនចង់ធ្វើពាណិជ្ជកម្មជាមួយ Man Utd ទេហើយអ្វីដែលអាចទៅរួច មានតែលុយធំក្នុងថ្ងៃចុងក្រោយនៃទីផ្សាដោះដូរកីឡាករ៕
