តើនរណាគួរតែលេងក្នុងដំណែងប្រយុទ្ធសម្រាប់ជម្រើសជាតិអាហ្សង់ទីន? Lionel Messi គឺជាជម្រើសជាជម្រើសដំបូងគេបំផុតហើយ ប៉ុន្តែ Paulo Dybala, Gonzalo Higuain, Sergio Aguero, Mauro Icardi និង Angel Di Maria សុទ្ធតែប្រកួតប្រជែងយកដំណែងជម្រើសដំបូង១១នាក់ក្រោមការដឹកនាំរបស់លោក Jorge Sampaoli។
និយាយត្រង់ទៅ! អាហ្សង់ទីនសម្បូរពេញទៅដោយខ្សែប្រយុទ្ធល្អ មានទេពកោសល្យ ហើយគ្រូបង្វឹកក៏ពិបាកថាត្រូវដាក់នរណាឲ្យលេង នរណាឲ្យអង្គុយកៅអីបម្រុងនោះទេ។ ចុះសម្រាប់ World Cup ឆ្នាំក្រោយខ្សែប្រយុទ្ធម្នាក់ដែល Messi ចង់លេងជាមួយគ្នាដោយចាប់ដៃគូជាងគេ?
បែបនេះក្ដី! Messi បានជ្រើសរើសកីឡាករម្នាក់នឹងលេងជាមួយគ្នានៅ World Cup ឆ្នាំក្រោយ។ ក្រោយការប្រកួតមិត្តភាពជាមួយរុស្សីកាលពីយប់មិញ ខ្សែប្រយុទ្ធ Barcelona បានសរសើរ Sergio Aguero ដែលបានក្លាយជាកីឡាកររកបានគ្រាប់បាល់ច្រើនជាងគេរបស់ Man Cityនិងរកបានគ្រាប់បាល់ជ័យជម្នះ១ទល់០កាលពីយប់មិញ។
“ វាពិតជាសំខាន់ គាត់ចេញមកពីការបំបែកកំណត់ត្រាជាមួយ City ហើយពេលនេះគាត់បានធ្វើបានល្អនៅទីនេះ ។ខ្ញុំពិតជារីករាយចំពោះគាត់”។
បែបណាក្ដី!Messi ក៏បានសរសើរពី Higuain ដែលមិនបានកោះហៅចូលក្នុងជម្រើសជាតិសម្រាប់ការប្រកួតនេះ។” កាលពីមុនគាត់បានចូលលេងជម្រើសជាតិ ប៉ុន្តែពេលនេះគាត់បង្ហាញសមត្ថភាពរាល់ៗចុងសប្ដាហ៍ឲ្យក្លឹបរបស់គាត់”។
អញ្ចឹងក៏ដោយ Messi មិនបានប្រាប់ពីការសម្រេចចិត្តយកកីឡាករណាម្នាក់មករួមដៃគូក្នុងតំបន់ប្រយុទ្ធទេ តែគាត់និយាយដូច្នេះ៖” Kun, HiguainនិងMauro Icardi មានភាពខុសគ្នាទាំងអស់ សុទ្ធតែជាខ្សែប្រយុទ្ធសំខាន់ ។គ្រូបង្វឹកនឹងសម្រេចចិត្ត”៕
