កីឡាករ Neymar បានទម្លាយទុក្ខសោករបស់ Phillipe Coutinho ថាពេលខ្សែបម្រើប្រយុទ្ធរបស់ហង្សក្រហម កំពុងកើតទុក្ខដោយសារ ត្រូវបានបដិសេធ ក្ដីសុបិនទៅលេងនៅ Barcelona។
Coutinho បានចូលលេងក្នុងនាមជាកីឡាករបម្រុង ដោយរកគ្រាប់បាល់បានមួយគ្រាប់ក្នុងជ័យជម្នះលើ អេក្វាឌ័រ២-០នៃវគ្គវគ្គជម្រុះ World cup កាលពីព្រឹកមិញ។ និយាយក្រោយចប់ការប្រកួត Neymar បាននិយាយអំពី Coutinho ក្នុងសន្និសិទ្ធក្រោយការប្រកួតថា ខ្សែបម្រើប្រយុទ្ធកំពុងកើតទុក្ខដោយសារតែការផ្ទេរទៅលេងនៅ Barcelona មិនបានយល់ព្រមពីក្លឹប។
“ សំណាងមិនល្អ! ជំនួសដោយពេលវេលាសប្បាយចិត្តសម្រាប់គាត់ សម្រាប់គ្រួសាររបស់គាត់ ពេលនេះជាវេលាដ៏លំបាកមួយ ដែលគាត់កើតទុក្ខ។”
” ខ្ញុំចង់ឃើញគាត់សប្បាយចិត្តដោយសារតែគាត់ជាមិត្តរួមក្រុម និងមិត្តភក្តិរាប់អានគ្នាយូរមកហើយ។ គាត់បានបង្កើតការសប្បាយដោយរកគ្រាប់បាល់ឲ្យជម្រើសជាតិនៅថ្ងៃនេះ”។
បែបណាក្ដី! Barcelona នៅមានពេលដល់ម៉ោង១០ និង៥៩នាទី(ម៉ោងនៅអឺរ៉ុប)យប់នេះ ដើម្បី ទិញយកកីឡាករប្រេស៊ីល មកចូលរួមនៅកីឡដ្ឋាន Camp Nou៕
