អ្នកខ្លាំងខាងគុនចម្រុះរបស់កម្ពុជា មាស ម៉ើ បានរងបរាជ័យជាលើកទី២ក្នុងអាជីពគុនចម្រុះ (MMA) របស់ខ្លួន ដោយត្រូវកីឡាករចិន Xie យកឈ្នះក្នុងទឹកទី៣នៅប្រទេសសិង្ហបុរី យប់ថ្ងៃសុក្រទី១៨ខែឧសភាឆ្នាំ២០១៨នេះ ក្នុងកម្មវិធី Unstoppable Dreams។
សម្រាប់ការប្រកួតមិត្តភាពអន្តរជាតិនៅក្រៅប្រទេសលើកនេះ កីឡាករកម្ពុជាពិតជាបានខិតខំប្រឹងប្រែងយ៉ាងខ្លាំង ប៉ុន្តែកម្លាំងខ្សោយជាងដៃគូដែលធ្វើឲ្យគេងាយស្រួលកាច់ និងឃ្លេ។ នៅក្នុងការប្រកួតចំនួន៣ទឹក កីឡាករកម្ពុជារូបនេះបានឱកាសនៅពីលើដែរ ប៉ុន្តែនៅមិនបានយូរឡើយ ដោយសារកម្លាំងកាន់តែខ្សោយ។ នៅពេលកីឡាករចិនបានឱកាសនៅលើដោយវាយកណ្តាប់ដៃ និងកែងលើផ្ទៃមុខរហូតអាជ្ញាកណ្តាលបញ្ឈប់តែម្តង៕
ទស្សនាវីដេអូប្រកួត៖
https://www.facebook.com/ONEChampionship/videos/1816990451657535/
