Henrikh Mkhitaryan នឹងខកខានជួយក្រុមកាំភ្លើងធំ Arsenal ក្នុងការប្រកួតពាន Premier League ជាមួយ Southampton នៅថ្ងៃអាទិត្យនេះបន្ទាប់ពីប៉ះទង្គិចត្រង់ជង្គង់ពេលលេងទល់និង CSKA Moscow យប់មិញខណៈដែល David Ospina ត្រូវនៅក្រៅទីលានដល់ទៅ៣អាទិត្យដោយសារបញ្ហាកែងជើង។
ក្រោយចប់ការប្រកួតយប់មិញលោកWenger បាននិយាយក្នុងសន្និសីទកាសែតថា៖” Henrikh Mkhitaryan មានបញ្ហាជង្គង់យើងត្រូវបង្ខំចិត្តដូរ Miki ចេញ យើងមិនថាវាអាក្រក់ប៉ុណ្ណានោះទេ ប៉ុន្តែគាត់នឹងមិនបានលេងក្នុងការប្រកួតនៅថ្ងៃសៅរ៍”។
តាមពិតទៅ! Ospina នឹងត្រូវលេងក្នុងឈុត១១នាក់ដំបូងឲ្យ Arsenal កាលពីយប់មិញ ប៉ុន្តែរូបគេរងរបួសកែងជើងពេលហ្វឹកហាត់។
Wengerបានបន្ត៖ “គាត់គ្រាន់តែហក់សង្គ្រោះបាល់តែអុកនឹងដី កែងជើងក៏មានបញ្ហាទៅ។ គាត់ខកខានបីអាទិត្យ គ្រូពេទ្យបានប្រាប់ហើយ។ម្សិលមិញយើងខ្លាចថារបួសគាត់ធ្ងន់តែនេះរបួសតែបីអាទិត្យទេ”៕
