Kylian Mbappe ដែលឈរក្នុងបញ្ជីលេខរៀងទី១របស់លោក Didier Deschamps សម្រាប់ក្រុមជម្រើសជាតិបារាំងលេងជាមួយរុស្សីបានទទួលអាវលេខ១០សម្រាប់ព្រឹត្តិការណ៍ World Cup។
អាវលេខ១០របស់ជម្រើសជាតិបារាំងគឺជាលេខដ៏មានឥទ្ធិពលបំផុត ដែលវីរបុរសមួយចំនួនជោគជ័យដូចជាលោក Michel Platini និង Zinedine Zidane ជាដើមដែលអាវនេះ មិនសូវមាននរណាហ៊ានពាក់នោះឡើយ។ អ្នកដែលពាក់ចុងក្រោយគឺ Dimitri Payet ដែលបានពាក់អាវនេះក្នុងព្រឹត្តិការណ៍ Euro 2016 ជួយឲ្យជម្រើសជាតិបារាំងបានលេខ២ហើយក្នុងវគ្គជម្រុះដំបូង World Cup ខ្សែប្រយុទ្ធ Alexandre Lacazette ជាអ្នកពាក់។
ប៉ុន្តែពេលនេះអាវនេះត្រូវមកដល់ដៃរបស់ខ្សែប្រយុទ្ធ PSG ដើម្បីយុទ្ធនាការក្នុងការប្រកួតមិត្តភាព និងសម្រាប់ចូលរួមក្នុងWorld Cup តែម្ដង។ Mbappe នឹងចូលលេងលើកដំបូងឲ្យពាក់អាវលេខ១០នេះទល់នឹងក្រុមជម្រើសជាតិកូឡុំប៊ីក្នុងការប្រកួតមិត្តភាពនៅកីឡដ្ឋាន Stade de France នៅថ្ងៃសុក្រនេះ។ កីឡាករជាប់ជម្រើសថ្មីគឺ Lucas Hernandez ពាក់អាវលេខ២២ហើយ Wissam Ben Yedder ពាក់លេខ២៤៕
