គ្រូបង្វឹកក្រុមកាំភ្លើងធំ Arsenal លោក Arsene Wenger នឹងប្ដូរមកធ្វើកិច្ចព្រមព្រៀងជាមួយខ្សែប្រយុទ្ធ Man Utd កីឡាករ Anthony Martial ប្រសិនបើគាត់មិនអាចទិញយកខ្សែប្រយុទ្ធវ័យក្មេង Kylian Mbappe ពី Monaco បានទេនោះ។
ប្រភព Daily Mail បាននិយាយថា Wenger ជួបបញ្ហាខ្លាំងក្នុងការព្យាយាមចុះកុងត្រាយកកីឡាករវ័យ១៨ឆ្នាំរបស់ Monaco ដោយសារត្រូវប្រជែងជាមួយក្លឹបយក្សចាយលុយធំ Real Madrid ។ ប៉ុន្តែប្រសិនបើការដេញថ្លៃនេះមិនជោគជ័យ គ្រូបង្វឹកវ័យចាស់រូបនេះ នឹងបង្វែរមកអន្ទងខ្សែប្រយុទ្ធរបស់ Man Utd កីឡាករ Martialហើយបានត្រៀមលុយរួចជាស្រេចក្នុងចំនួន៤០លានផោន។
ដោយសារការមិនសូវស៊ីខ្សែគ្នារវាង Jose និង Mourinho ការចរចាទិញយកខ្សែប្រយុទ្ធបារាំងខាងលើប្រហែលជានៅតែយ៉ាប់។ Martial ហាក់មិនបានបង្ហាញទម្រង់លេង(Performance) ទាក់ចិត្តគ្រូបង្វឹកសញ្ជាតិបារាំងនៅឡើយទេ ដែលគ្រូបង្វឹកសញ្ជាតិព័រទុយហ្គាល់រូបនេះ មកដឹកនាំក្នុងរដូវកាលដំបូង។
Anthony Martial ត្រូវបាន Man Utd ទិញពី Monaco ក្នុងតម្លៃ៤៦.២លានផោនកាលពី២ឆ្នាំមុន ហើយទើបបានចូលលេងជម្រើសដំបូងត្រឹម១៨ប្រកួតប៉ុណ្ណោះ។ កីឡាករវ័យ២១ឆ្នាំក៏ត្រូវបានមើលរំលងពីសំណាក់គ្រូបង្វឹកជម្រើសជាតិបារាំងលោក Didier Deschamps ហើយកៅអីជម្រើសជាតិក្នុងព្រឹត្តិការណ៍ World Cup ឆ្នាំក្រោយក៏ស្ថិតក្នុងភាពមិនច្បាស់លាស់ដែរ៕
ប្រភព៖ Metro
