លោក Jose Mourinho បាននិយាយថាការមានឱកាសលេង Champions League ជាមួយ Manchester United គឺជាកត្តាចម្បងបំផុតរបស់ Alexis Sanchez ក្នុងការចាកចេញពី Arsenal។
កីឡាករជម្រើសជាតិស៊ីលីបានផ្ទេរមក Old Trafford កាលពីខែមុនក្នុងលក្ខខ័ណ្ឌដោះដូរជាមួយ Henrikh Mkhitaryan។ រូបគេលេងហាក់មិនសូវបានល្អនោះពេលមកដល់ដំបូងដោយរកបានត្រឹមមួយគ្រាប់ក្នុងការបង្ហាញខ្លួនប្រាំប្រកួតដំបូងប៉ុន្តែ រូបគេត្រូវបានគេរំពឹងថាជាតួសំខាន់របស់ Manchester United ក្នុងការលេង Champions League ជាមួយ Sevilla វគ្គ១៦ក្រុម។
“ ពិតណាស់ដែលយើងមានកីឡាករថ្មីម្នាក់ Alexis Sanchez ហើយយើងនឹងត្រូវរងចាំសម្រាប់ទីផ្សារដោះដូរកីឡាកររដូវកាលក្រោយទើបរកបានថ្មីទៀតប៉ុន្តែយើងសម្រេចចិត្តចូលផ្សារលើសកីឡាករពីពេលនេះទៅ” Mourinho និយាយក្នុងសន្និសីទកាសែត។
“យើងមានអារម្មណ៍ថាត្រូវការគាត់។ Manchester United ក្នុងChampions League គឺពិតជារឿងធំណាស់។ Alexis មកទីនVនាំយកភាពប្រឹងប្រែងដើម្បីលេងChampions League។យើងដឹងថាវាពិតជារឿងពិបាកដែលសម្រាប់ខ្ញុំដែលជាគ្រូបង្វឹកត្រូវលើកទឹកចិត្តកីឡាករសម្រាប់ការប្រកួតប្រជែងណាមួយ។យើងមិនចង់លេង Europa League ទេ”។
“ប៉ុន្តែដោយសារតែយើងជាប់ទៅលេងនៅChampions League ទើបការលើកទឹកចិត្តត្រូវយកមកជាមួយផង។យើងតែងតែលេងទល់នឹងក្រុមល្អបំផុត។ ដូច្នេះហើយ Alexis ចង់មកទីនេះដើម្បីរួមជាក្រុមមួយលេងក្នុងChampions League”៕
