កីឡាករខ្សែប្រយុទ្ធជម្រើសជាតិអង់គ្លេសវ័យ២៣ឆ្នាំ Raheen Sterling បានពន្យាការចរចារលើកុងត្រាថ្មីជាមួយក្រុមកំពូលតារាងPremier League, Manchester City ដោយដំណឹងនេះបានធ្វើឲ្យក្លឹបយក្ស Real Madrid ចាប់អារម្មណ៍ចង់បានរូបគេទៅចូលរួមជាមួយនៅពេលទីផ្សារដោះដូរកីឡាករបើកទ្វានៅពេលខាងមុខ។
ក្រុមមានមូលដ្ឋាននៅទីក្រុងម៉ាឌ្រីដ ស្ដេចសធ្លាប់ចាប់អារម្មណ៍រូបគេម្ដងរួចទៅហើយកាលពី២ឆ្នាំមុនប៉ុន្តែមិនបានសម្រេចក្រោយអតីតកីឡាកររបស់ Liverpool រូបនេះមកលេងនៅ Manchester City។
អតីតខ្សែប្រយុទ្ធហង្សក្រហមរូបនេះ បានបង្ហាញទម្រង់លេងយ៉ាងល្អកាលពីថ្ងៃអាទិត្យកន្លងទៅ ធ្វើឲ្យក្លឹបធំៗជាច្រើនចាប់អារម្មណ៍រូបគេ។ Sterling រកបាន៩ គ្រាប់ហើយក្នុងរដូវកាលនេះ ហើយរូបគេក៏ជាខ្សែប្រយុទ្ធដ៏សំខាន់ម្នាក់ដែលរួមចំនែកជួយអោយក្រុមមេឃខៀវឈរកំពូលតារាង Premier League បច្ចុប្បន្នផងដែរ។
តារាឆ្នើមរបស់ជម្រើសជាតិអង់គ្លេសរូបនេះនៅសល់កុងត្រាជាមួយក្រុមមេឃខៀវតែ២ឆ្នាំទៀតតែប៉ុណ្ណោះ ក្នុងកិច្ចសន្យា ១៨០០០០ផោនក្នុងមួយសប្ដាហ៍ ដែលរូបគេបានចុះហត្ថលេខាមកចូលរួមជាមួយ Manchester City ដែលមានតំលៃខ្លួន ៤៩ លានផោនក្នុងឆ្នាំ២០១៥ ។
Sterling បាននិយាយថា ”ខ្ញុំរីករាយនៅ Etihad ប៉ុន្តែខ្ញុំចង់ផ្ដោតអារម្មណ៍លើពានរង្វាន់ Premier League នឹងរក្សាទម្រង់លេងអោយបានល្អបំផុត ដើម្បីជួយក្រុមជម្រើសជាតិរបស់ខ្ញុំដែលបានទៅលេង World Cup នៅ Russia ផងដែរអាចនិយាយបានថា ជារដូវកាលដ៏អស្ចារ្យបំផុតសម្រាប់ខ្ញុំក៏អាចថាបាន”។
