Casemiro បានក្លាយជាកីឡាករ Real Madrid ដែល Zinedine Zidane ប្រើប្រាស់ច្រើនជាងគេបំផុត នេះបើតាមការកត់ត្រារបស់វេបសាយប្រមូលស្ថិតិបាល់ទាត់ Opta។
វាច្បាស់ណាស់សម្រាប់ Zidane ពេលដែលគាត់មកដឹកនាំហើយរើសកីឡាករពេញចិត្ត។ Casemiro ក៏ស្ថិតក្នុងនោះ ខណៈដែរហើយកីឡាករប្រេស៊ីល ទួលបានការរិះគន់យ៉ាងច្រើនកាលពី២ឆ្នាំមុន ហើយពេលនេះ Real Madrid មិនអាចអត់គាត់បានទេ។
យ៉ាងហោចណាស់នេះក៏ជាការកត់ត្រាទុកមួយដែរ។ តាមប្រភពខាងលើ ខ្សែបម្រើប្រេស៊ីលលេងបានច្រើននាទីជាងគេទាំងអស់ឲ្យ Real Madrid រដូវកាលនេះគឺ ២៤១៣នាទី។ ចំណែកកីឡាករដែលឈរពីក្រោយគឺខ្សែការពារកណ្ដាល Nacho ។
ខ្សែការពាររូបនេះ ទទួលបានពេលវេលាលេងគ្រប់គ្រាន់ បំផុតទោះបីជាពេលខ្លះមិនសូវល្អហើយខ្លះទៀតល្អខ្លាំងក៏ដោយ។ កីឡាករកើចេញពីថ្នាលយុវជនរូបនេះ លេងបាន២៣៥០នាទីក្នុងរដូវកាលនេះ។បន្ទាប់មកគឺ Toni Kroos ដែលលេងបាន២២៩០នាទី។ ជាធម្មតាអ្នកចាំទីតែងតែងឈរកំពូលតារាងលេងបានច្រើននាទីជាងគេប៉ុន្តែរបួសរបស់ Keylor Navas បានធ្វើឲ្យរូបកាត់បន្ថយនាទីចូលលេងអស់ច្រើនដែរ។
ចំណែកការប្ដូរចុះប្ដូរឡើង ចេញពីការពិន័យ និងបម្រាមផងនោះកីឡាករទាំងពីរនាក់នេះ Marcelo លេងបាន(២២៦៥នាទី)និង Ronaldo (២២៥៤នាទី)៕
