តាមប្រភពមេធាវីផ្ទាល់ខ្លួនរបស់ Cristiano Ronaldo បានឲ្យដឹងថា ខ្សែប្រយុទ្ធ Real Madrid ម្នាក់នេះនឹងសង់មន្ទីរពេទ្យកុមារមួយក្នុងទីក្រុង Santiago ប្រទេសឈីលីនៅឆ្នាំ២០២០។
កីឡាករវ័យ៣២ឆ្នាំ នឹងចូលហ៊ុនគ្នាជាមួយពាណិជ្ជករសញ្ជាតិអ៊ីតាលីលោក Alessandro Proto ដើម្បីសម្រេចកិច្ចការនេះ។ នេះគឺជាគម្រោងដំបូងបំផុតក្នុងគម្រោងជាច្រើនទៀតរបស់ Ronaldo ដែលត្រូវធ្វើនៅទ្វីបអាមេរិកខាងត្បូង។
ក្រុមហ៊ុនច្បាប់ Brafman & Associates ដែលមានមូលដ្ឋាននៅទីក្រុងញូវយ៉កបានប្រកាសសេចក្ដីថ្លែងការណ៍ផ្លូវការ មួយ៖”កីឡាករបាល់ទាត់សញ្ជាតិព័រទុយហ្គាល់ Cristiano Ronaldo នឹងសាងសង់មន្ទីរពេទ្យកុមារមួយនៅទីក្រុងសាន់ត្យាហ្គោប្រទេសឈីលីនៅឆ្នាំ 2020។ ”
“ Cristiano ដែលពេលនេះជាកីឡាករតែម្នាក់គត់ទើបនឹងបានពាន Best FIFA Award ក្នុងប្រវត្តិសាស្ត្របាល់ទាត់ ហើយលោក Alessandro រីករាយនឹងសហការជាមួយនឹងគម្រោងនេះ”។
បច្ចុប្បន្ន Ronaldo ជាកីឡាករបាល់ទាត់មានប្រាក់ឈ្នួលខ្ពស់ជាងគេ បើតាមប្រភពទស្សនាវដ្ដី Forbes ហើយគាត់នឹងចំណាយលុយខ្លះ ដើម្បីបន្តកិច្ចការមនុស្សធម៌របស់ខ្លួនដែលធ្លាប់ធ្វើ់តាំងពីដើមរៀងមក។កីឡាករវ័យ៣២ឆ្នាំក៏ជាទូតសុច្ឆន្ទៈរបស់អង្គការ Save The Children, UnicefនិងWorld Vision៕
ប្រភពៈ Fourfourtwo
