Messi បានចុះកុងត្រាបន្តជាមួយ Barcelona រួចទៅហើយប៉ុន្តែនេះមិនមានន័យថា ក្លឹបខាងលើឈប់ចង់បានកីឡាករបន្ថែមនោះទេ។ តាមប្រភព El Chiringuito TV, Messi ចង់ឲ្យ Barcelona ចុះកុងត្រា Angel Di Maria។
គ្មានអ្វីគួរឲ្យភ្ញាក់ផ្អើលអ្វីសោះឡើយ ដែលកីឡាករអាហ្សង់ទីនបង្ហាញពីទំនាក់ទំនងល្អជាមួយគ្នា។ពួកគេតែងតែធ្វើការជាមួយគ្នាក្នុងក្រុមជម្រើសជាតិ ហើយនាំអាហ្សង់ទីនឡើងទៅលេង World Cupនៅរុស្សី។
ប្រភពខាងលើបានអះអាងថា ខ្សែប្រយុទ្ធពាក់អាវលេខ៧ឲ្យជម្រើសជាតិអាហ្សង់ទីនដែលកំពុងលេងនៅ PSG នៅតែមានចិត្តចង់ចូលរួមជាមួយ Messi និងមិត្តរួមក្រុមដទៃទៀត។ ក្នុងករណីនេះវាស្របគ្នា ទៅនឹងក្លឹបមានមូលដ្ឋាននៅទីក្រុងប៉ារីស ដែលកំពុងថ្លឹងថ្លែងស្វែងរកតុល្យភាពក្នុងក្រុម ក្រោយពេលចំណាយលុយធំកាលពីរដូវកាលមុន។
តើប្រិយមិត្តចង់ឃើញ Di Maria ពាក់អាវ Barcelonaក្នុងរដូវដោះដូរកីឡាករខាងមុខនេះដែរទេ ?ប្រិយមិត្តអាចបញ្ចេញមតិយោបល់ខាងក្រោមបាន៕
