អតីតខ្សែប្រយុទ្ធបិសាចក្រហម Eric Cantona ជឿថា Pep Guardiola មកដឹកនាំ Manchester United គឺសាកសមជាងលោក Jose Mourinho។
គ្រូបង្វឹកសញ្ជាតិព័រទុយហ្គាល់បាននាំ Man Utd ឈ្នះ Europa League និង EPL Cup ក្នុងរដូវកាលដំបូងរបស់គាត់ ប៉ុន្តែគ្រូបង្វឹករូបនេះ នៅតែត្រូវបានគេរិះគន់អំពីយុទ្ធសាស្រ្តដឹកនាំក្នុងរដូវកាលនេះ ពិសេសទម្រង់លេងដាក់កាលជួប Liverpool ។
បែរមកលោក Pep វិញកំពុងតែសាង Man City ឆ្ពោះទៅរកពានរង្វាន់ Premier League នៅរដូវកាលនេះ ទោះបីជារដូវកាលមុនបានត្រឹមរក្សាក្លឹបឈរ Top4 មានកៅអីលេង Champiosn League ក៏ដោយ។ រដូវកាលនេះគ្រូបង្វឹកអេស្ប៉ាញបានដឹកនាំក្រុមរកបានគ្រាប់បាល់៤០គ្រាប់លើស Man Utd ១៣គ្រាប់ក្នុងការប្រកួត១២ដងដូចគ្នា។
Eric Contona ដែលធ្លាប់ជួយMan Utd ឈ្នះពាន Premier League ៤ដងជឿថា Guardiola មកដឹកនាំ Man Utd គឺសាកសមជាង។ “ គាត់កំពុងលេងទម្រង់បែបការពារ ដែលវាមិនមែនជាអត្តសញ្ញាណរបស់ Manchester United “ Cantona និយាយក្នុងវិទ្យុBBC Radio Four។
“ គ្រូបង្វឹកទាំងពីរ ទាំងលោក Guardiola និង Mourinho ពិតជាអស្ចារ្យ ប៉ុន្តែខ្ញុំចង់បានទម្រង់បែបប្រយុទ្ធច្រើនជាងពេលដែលយើងបង្កើតឱកាសបានច្រើនគឺល្អណាស់ វិធីនេះខ្ញុំតែតែងប្រើក្នុងអាជីពរបស់ខ្ញុំ”។
“ ខ្ញុំមិនយល់ហេតុអ្វីបានជា United យកគ្រូបង្វឹកដែលប្រើទម្រង់ការពារមកដឹកនាំក្លឹប ? ខ្ញុំស្រឡាញ់ Mourinho ប៉ុន្តែខ្ញុំចង់មើល Barcelonaលេងជាង ។ខ្ញុំមើលវិធីសាស្រ្តដែល Guardiola លេង ហើយខ្ញុំចង់បានគាត់មកដឹកនាំ Man Utd ។ វាមានលក្ខណៈត្រឹមត្រូវ Logicalជាង។ ខ្ញុំមិនមើល Man City ព្រោះពួកគេជា Man City ប៉ុន្តែខ្ញុំចង់មើលក្រុមដែលបង្វឹកដោយលោក Guardiola”៕
