Manchester United បានប្រកាសក្នុងគេហទំព័រផ្លូវការរបស់ខ្លួនថា បានយល់ព្រមកិច្ចព្រមព្រៀងក្នុងការចុះកុងត្រាយកកំពូលខ្សែប្រយុទ្ធ Romelu Lukaku ពីក្លឹប Everton ក្នុងកុងត្រា៥ឆ្នាំជាមួយនឹងជម្រើសបន្តថែមទៀត។
កីឡាករវ័យ២៤ឆ្នាំជម្រើសជាតិបែលហ្សិក នឹងចូលរួមជាមួយមិត្តរួមក្រុមថ្មីក្នុងទីក្រុងឡូសអង់ជឺឡេសក្នុងការប្រកួតមិត្តភាព Pre-Season។ អំឡុងកាន់ប៊ិចស៊ីញេកុងត្រា អតីតកីឡាករ Chelsea រូបនេះបាននិយាយថា៖” ខ្ញុំសូមអរគុណចំពោះ Everton និងអ្នកគាំទ្រក្នុងរយៈពេល៤រដូវកាលកន្លងមក។ ខ្ញុំបានបង្កើតមិត្តភ័ក្ដិដ៏អស្ចារ្យហើយយើងក៏បានចែកចាយនូវរឿអស្ចារ្យជាច្រើនផងដែរ។ពេលដែល Manchester United និងលោក Jose Mourinho មកគោះទ្វារផ្ទះរបស់ខ្ញុំវាគឺជាឱកាសមួយក្នុងឆាកជីវិតដែលខ្ញុំមិនអាចបដិសេធបាន។”
“ អ្នកបានឃើញការប្រយុទ្ធ ការពុះពារនិងស្មារតីក្នុងក្រុមនេះក្នុងវគ្គផ្ដាច់ព្រ័ត្រEuropa League ហើយខ្ញុំចង់ក្លាយជាផ្នែកមួយរបស់វា។ខ្ញុំមិនអាចរកចាំបានឡើយក្នុងការធ្វើការនៅពីមុខអ្នកគាំទ្រ៧៥០០០នាក់នៅOld Trafford ប៉ុន្តែមុនឈានដល់ចំណុចនេះ ការប្រកួតមុនបើករដូវកាលគឺជាកន្លែងដែលត្រូវធ្វើការធ្ងន់ស្វែងរកកន្លែងហ្វឹកហាត់ជាដំបូងសិន”។
ចំណែកលោក Jose Mourinho វិញបាននិយាយថា៖” Romelu គឺពិតជាសាកសមជាមួយ Manchester United ពីធម្មជាតិ គាត់មានបុគ្គលិកលក្ខណៈដ៏ធំ និងជាកីឡាករល្អម្នាក់។ យើងអាចនិយាយបានថា គាត់ចង់អភិវឌ្ឍន៍អាជីពរបស់គាត់ក្នុងក្លឹបធំ។ គាត់នឹងក្លាយជាការបន្ថែមដ៏អស្ចារ្យទៅក្នុងក្រុម ហើយខ្ញុំដឹងថា ពួកគេនឹងស្វាគមន៍គាត់។ខ្ញុំពិតជាចង់ធ្វើការជាមួយគាត់ម្ដងទៀត។”
ប្រភពៈ ផេកផ្លូវការរបស់ Manchester United
