អតីតខ្សែបម្រើ Real Madrid កីឡាករ Kaka បានប្រកាសពីការចូលនិវត្តន៍ពីអាជីពបាល់ទាត់ហើយ ក្រោយបញ្ចប់កុងត្រាជាមួយក្លឹប Orlando City លេងក្នុងលីកកំពូលអាមេរិក MLS។
អតីតខ្សែបម្រើឆ្នើមជម្រើសជាតិប្រេស៊ីល និងក្លឹប AC Milan បានប្រកាសក្នុងបណ្ដាញសង្គម Twitter របស់ខ្លួនពីការព្យួរស្បែកជើងបាល់ទាត់នៅយប់ថ្ងៃអាទិត្យនេះ។ អតីតកីឡាកររូបនេះធ្លាប់បានលេងបាល់ជាង៦០០ប្រកួត កសាងកេរ្តិ៍ឈ្មោះល្បីល្បាញក្នុងពិភពបាល់ទាត់ ក្នុងកម្រិតកំពូលដោយត្រូវបានគេចាត់ទុកជាកីឡាករល្អបំផុតលើលោក ឈ្នះពាន Ballon d’Or មុន Messi និង Ronaldo។ ទម្រង់លេងបំផុតរបស់គាត់គឺជួយ AC Milan លើកពាន Champions League កាលពីឆ្នាំ២០០៧។
ក្រោយមកលោក Florentino Perez ក៏បានទិញគាត់ពីអ៊ីតាលីមកលេងនៅ Real Madrid កាលពីឆ្នាំ ២០០៩ដំណាលគ្នានិង Ronaldo ក្នុងតម្លៃ៦៥លានអឺរ៉ូប៉ុន្តែ២ឆ្នាំ ក្រោយរបួសជង្គង់រ៉ាំរ៉ៃបានធ្វើឲ្យទម្រង់លេងធ្លាក់ចុះ។ បន្ទាប់ពីពិបាកបង្ហាញទម្រង់លេងដោយត្រូវប្រជែងជាមួយ Cristiano Ronaldoនិង Karim Benzema, Kaka ក៏ត្រឡប់មក Milan វិញតែទម្រង់លេងហាក់មិនបានប្រសើរឡើងវិញនោះទេ។ គាត់ក៏បន្តទៅលេងនៅអាមេរិកចាកឆ្ងាយពីភាពល្បីរបស់ខ្លួន តែគាត់នៅតែជាកីឡាករប្រកបដោយទេពកោសល្យដដែល។
និយាយក្នុងអាជីពបាល់ទាត់ជម្រើសជាតិគាត់ជាផ្នែកមួយរបស់ក្រុមសាំបាប្រេស៊ីលលើកពាន FIFA World Cup 2002។ Champions League ម្ដង Serie A ម្ដង La liga ម្ដងនិង World Cup គឺជាពានដែលគាត់ធ្លាប់ឈ្នះមុនពេលរបួស តែក៏នៅមានពានជាច្រើនទៀតដែរ។ Kaka ត្រូវបានគេស្គាល់ថាជាកីឡាករម្នាក់គោរពសាសនាជាប់លាប់ដោយគាត់តែងតែសម្ដែងការគោរពទៅលើព្រះពេលទាត់បញ្ចូលទីម្ដងៗហើយរូបភាពបង្ហោះអំឡុងការប្រកាសចូលនិវត្តន៍នេះក៏សម្ដែងពីការគោរពព្រះដែរ៕
Father,
It was much more than I could ever imagined. Thank you! I’m now ready for the next journey. In Jesus name. Amem.Pai,
Foi muito mais do que eu pedi ou imaginei!Obrigado! Eis-me aqui para próxima jornada. Em nome de Jesus. Amém. pic.twitter.com/PofZBAV0BE— Kaka (@KAKA) December 17, 2017
