បិសាចក្រហម Man Utd ទើបតែចុះកុងត្រាជាមួយខ្សែការពារសញ្ជាតិស៊ុយអែត Victor Lindelof ហើយក្នុងនោះកីឡាករជើងចាស់ Zlatan Ibrahimovic ក៏និយាយផ្ដោតសំខាន់លើកការស៊ីញេកុងត្រាយកកីឡាករមកពី Benfica ផងដែរ។
អតីតកីឡាករដំណែងលេខ៩របស់ Man Utd ក្លាយជាកីឡាករគ្មានតម្លៃខ្លួន នៅថ្ងៃទី១កក្កដា ប៉ុន្តែរូបគេនៅរួមរស់ជាមួយ Man Utd នៅឡើយ ដោយសាររបួសជង្គង់។ Ibrahimovic ធ្លាប់ហ្វឹកហាត់ នឹងលេងជាមួយខ្សែការពាររូបនេះ ក្នុងក្រុមជម្រើសជាតិស៊ុយអែត បានជឿថា Victor Lindelof ត្រៀមខ្លួនរួចហើយក្នុងការលេងឲ្យMan Utd។
“ ខ្ញុំគិតថា Victor កំពុងធ្វើរឿងមួយដ៏អស្ចារ្យ គាត់លេងបានល្អណាស់ជាមួយ Benfica គាត់ទទួលបានភាពមានទំនុកចិត្តលើខ្លួនឯងច្រើន សម្រាប់ជម្រើសជាតិពេលនេះ។ តើគាត់ល្អគ្រប់គ្រាន់សម្រាប់ Man Utd ? ខ្ញុំគិតថា វាលើសពីគ្រប់ទៅទៀតសម្រាប់ Manchester United ។ អ្វីៗអាស្រ័យលើគាត់ ត្រូវការនិងស្ថានភាពពេលដែលគាត់ទទួលបាន”៕
ប្រភព៖ Mirror
