ព័ត៌មានចចាមអារ៉ាមដែលជាប់ទាក់ទងរវាង Real Madrid និង Mohamed Salah របស់ Liverpool កាន់តែខ្ទរខ្ទារ ហើយលោក Zidane បង្ហាញការសរសើរពីទម្រង់លេងរបស់កីឡាករអេហ្ស៊ីប។
Salah កំពុងតែចាប់ផ្ដើមយ៉ាងល្អក្នុងការអាជីពនៅទឹកដី Anfield ក្នុងរដូវកាលនេះ ក្រោយចាកចេញពី Roma មកលេងនៅLiverpool ក្នុងតម្លៃ៤២លានអឺរ៉ូ។រូបគេរកបាន១៩គ្រាប់ហើយក្នុងចំណោម២៥ប្រកួតឲ្យហង្សក្រហម។ របាយការណ៍ចេញក្នុងសប្ដាហ៍នេះថា Real Madrid គ៏មានចំណាប់អារម្មណ៍លើទម្រង់លេង និងការរកគ្រាប់បាល់របស់កីឡាករនាំអេហ្ស៊ីបទៅលេងនៅ World Cup ម្នាក់នេះដែរ ខណៈដែលខ្សែប្រយុទ្ធប្រចាំក្លឹបទាំងបីរបស់ Real រកគ្រាប់បាល់មិនសូវបាន។
ក្រោយអ្នកកាសែតសួរអំពីបានសួរក្នុងសន្និសីទកាសែតនៃការប្រកួត Club World Cupគ្រូបង្វឹកសញ្ជាតិបារាំងបាននិយាយអំពីកីឡាករវ័យ២៥ឆ្នាំថា៖” Salah គឺជាកីឡាករដ៏អស្ចារ្យគាត់បានទម្រង់លេងយ៉ាងល្អនៅ Roma ហើយពេលនេះ លេងនៅ Liverpool។ គាត់នៅក្មេងនៅឡើយ ។ខ្ញុំមិននិយាយច្រើនពីកីឡាករដទៃទៀតនោះទេ ប៉ុន្តែគាត់គឺជាកីឡាករម្នាក់ដែលខ្ញុំគិតថាល្អ”៕
