របាយការណ៍ក្នុងប្រទេសអេស្ប៉ាញបានបញ្ជាក់ថា FIFA អាចនឹងចាត់វិធានការយ៉ាងធ្ងន់ធ្ងរ នៅពេលដែលពួកគេស៊ើបអង្កេតឃើញថា អំពើពុករលួយដែលធ្លាប់កើតឡើងក្នុងវិស័យបាល់ទាត់អេស្ប៉ាញចេញពីអ្នកនយោបាយ នៅតែញាំញីបន្តទៀត។
កាសែតអេស្ប៉ាញ El Pais បញ្ជាក់ថាអេស្ប៉ាញអាចនឹងធ្វើឲ្យក្រុមជម្រើសជាតិរបស់ខ្លួនមិនបានលេងពានរង្វាន់ FIFA World Cup ប្រសិនបើរកឃើញមានការលូកដៃពីអ្នកនយោបាយក្នុងប្រទេសនេះមែននោះ។ សហព័ន្ធកីឡាបាល់ទាត់អេស្ប៉ាញ (RFEF) បានទទួលការជូនដំណឹងជាសារព្រមានពីស្ថាប័នគ្រប់គ្រងកីឡាបាល់ទាត់ពិភពលោក ពីលូកដៃរបស់រដ្ឋាភិបាលអេស្ប៉ាញក្នុងវិស័យកីឡាអាចនាំឱ្យមានការព្យួរជម្រើសជាតិអេស្ប៉ាញពីសមាជិករបស់ FIFA ហើយពួកគេនឹងមានមិនអាចចូលរួមការប្រកួតក្នុងព្រឹត្តិការណ៍ World Cup2018 ខាងមុខ ។
ប្រសិនបើ FIFA ស៊ើបអង្កេតរកឃើញមែននោះអេស្ប៉ាញអាចត្រូវបានបដិសេធឱកាសរបស់ពួកគេ ក្នុងការប្រកួតពានរង្វាន់បាល់ទាត់ពិភពលោកនៅប្រទេសរុស្សី ដោយសារតែអំពើពុករលួយចេញពីនយោបាយ។ មូលហេតុពីក្រោយនៃការដាក់ទណ្ឌកម្មនេះ គឺមកពីមានការដាក់សំណើមួយឲ្យមានការរៀបចំការបោះឆ្នោតជ្រើសរើសប្រធានសហព័ន្ធបាល់ទាត់អេស្ប៉ាញជាថ្មី ពីតុលាការជាន់ខ្ពស់នៃក្រសួងកីឡាអេស្ប៉ាញ ដែលនេះគឺអាចដឹងថារដ្ឋាភិបាលអេស្ប៉ាញបានលូកដៃចូលកិច្ចការរបស់ RFEF ក្នុងគោលបំណងបញ្ចប់បញ្ហាចម្រូងចម្រាស់នៃការចាកចេញពីលោក Angel Villa Maria អតីតប្រធានសហព័ន្ធបាល់ទាត់អេស្ប៉ាញចាស់។
សកម្មភាពដាក់សំណើឲ្យបោះឆ្នោតជ្រើសរើសប្រធានថ្មីពីសំណាក់រដ្ឋាភិបាលអេស្ប៉ាញនេះ ធ្វើឲ្យ FIFA ព្រួយបារម្ភថា បាល់ទាត់អេស្ប៉ាញកំពុងជួបហានីភ័យហើយ៕
