គ្រូបង្វឹក Real Madrid លោក Zidane បាននិយាយថាលោកមិនចង់បានពានលីកកំពូលអេស្ប៉ាញ La liga ដោយគ្មានBarcelona នោះទេហើយលើសពីនេះ លោកក៏និយាយពីការចូលលេងវិញក្នុង League របស់ Ronaldo និងទម្រង់លេងធ្លាក់ចុះរបស់ Gareth Bale ជាដើម។
ក្នុងចំណោមពាក្យសម្ដីរបស់គាត់និយាយទាំងអស់ គេចាប់អារម្មណ៍ត្រង់ថា ការឈ្នះពាន La liga ដោយគ្មាន Barcelona ហាក់គ្មានន័យអ្វីទាំងអស់។ លោកបាននិយាយក្នុងសន្និសិទកាសែតកាលពីថ្ងៃសុក្រនេះ ក្នុងប្រធានបទទាក់ទងជាមួយស្ថានភាពនៃការបំបែករដ្ឋរបស់អេស្ប៉ាញ ដែលមានរដ្ឋចំណុះ Calatonia ហើយលោកព្រួយបារម្ភពីការចាកចេញពី La liga របស់ Barcelona ថា៖
“ ខ្ញុំមិនចង់បានពាន La liga ដោយគ្មាន Barcelona ខ្ញុំមិនចង់បានវាឲ្យអ្នកគាំទ្រនោះទេ។ Barcelona តែងតែងស្ថិតក្នុងលីកនេះរហូត។ ខ្ញុំនិយាយនូវអ្វីដែលខ្ញុំគិត ខ្ញុំមិនបានថ្លង់នោះទេ ខ្ញុំមិនដឹងថាមានរឿងអ្វីកើតឡើងនោះដែរ។ មនុស្សមួយចំនួនពេញចិត្តហើយមួយចំនួនផ្សេងទៀតអត់ពេញចិត្តទេ។ វាជាការប្រជែងដ៏ស្វិតស្វាញមួយ អ្វីដែលខ្ញុំមិនបានឃើញ ខ្ញុំសង្ឃឹមថាមិនកើតឡើងចំពោះ La liga ដោយគ្មាន Barcelona នោះទេ”៕
