បើតាមសម្ដីរបស់អតីតខ្សែបម្រើប្រយុទ្ធជម្រើសជាតិប្រេស៊ីល និងក្លឹប Barcelona កីឡាករ Ronaldinho ថា សម្រាប់ Harry Kane គួរតែចេញពី Spurs ទៅរកក្លឹបណាមួយដែលធំជាងនេះ។
នៅរដូវកាលនេះ Kane រកបាន៣៥គ្រាប់ក្នុងការចូលលេងគ្រប់កម្មវិធីប្រកួតហើយវាជារដូវកាលទី៣ជាប់ៗគ្នា ដែលខ្សែប្រយុទ្ធអង់គ្លេសរូបនេះរកបានគ្រាប់បាល់លើសពី៣០គ្រាប់។ ខ្សែប្រយុទ្ធរូបនេះមានទំនាក់ទំនងផ្ទេទៅលេងនៅ Real Madrid ហើយ Ronaldinho ជឿថាសមត្ថភាពរបស់កីឡាករវ័យ២៤ឆ្នាំអាចទៅលេងក្លឹបណាក៏បានដែរឲ្យតែធំជាង Spurs។
“ Harry Kane បានក្លាយជាកីឡាករអស្ចារ្យមួយរយៈសមគួរហើយដែរប៉ុន្តែក្នុងរដូវកាលនេះគ្មានហេតុផលណាមួយដែលគាត់មិនអាចស្វែងរកក្លឹបដែលអស្ចារ្យជាង Spurs នោះទេ”។
“ គាត់ពេលនេះស្ថិតក្នុងកម្រិតដែលក្លឹបធំៗមួយចំនួន គួរតែចង់បានគាត់ហើយគាត់អាចដើរចេញទៅរកក្លឹបដែលធំៗនៅអឺរ៉ុប។ Barcelona, Real Madrid , Manchester City, វាគ្មានបញ្ហាទោះបីជាក្លឹបនោះធំប៉ុណ្ណាក៏ដោយ គាត់ជាកីឡាករម្នាក់ក្នុងចំណោម៣នាក់ដែលក្លឹបជាច្រើនគួរតែទុកបន្ទប់ឲ្យមួយ ពេលដែលមានឱកាសចុះកុងត្រា”៕
