Ryan Giggs បាននិយាយសុំឲ្យអ្នកគាំទ្ររង់ចាំ និងរក្សាភាពស្ងប់ស្ងៀមសិន ចំពោះរបាយការណ៍ដែលថាក្លឹបមានការស្ដាយក្រោយដែលចុះកុងត្រាយក Alexis Sanchez។
Sanchez មិនបានបង្ហាញទម្រង់លេងបានល្អអស់សមត្ថភាពនៅក្រោយមកដល់ Man Utd ដោយរកបានតែមួយគ្រាប់ក្នុង៧ប្រកួតដែលបានចូលលេង ហើយមួយគ្រាប់ដោយបាល់ពិន័យ១១ម៉ែត្រទៀត។ គាត់មក Old Trafford ក្នុងកិច្ចព្រមព្រៀងដោះដូរជាមួយ Henrikh Mkhitaryanដែលផ្ទេរទៅលេងនៅ Arsenal វិញ។
ប៉ុន្តែតាមប្រភពមកពីអេស្ប៉ាញ ពិសេសចេញពីកាសែត El Pais កាលពីដើមសប្ដាហ៍នេះថា ថ្នាក់ដឹកនាំ Man Utd បង្ហាញក្ដីសោកស្ដាយក្នុងទីផ្សារដោះដូរកីឡាករក្នុងខែមករាក្នុងជំនួបពិសាភោជនាហារពេលល្ងាចមួយ ក្នុងកម្មវិធីចុះ MOUនៃការដេញថ្លៃសិទ្ធ ផ្សាយតាមទូរទស្សន៍ក្នុងក្របខណ្ឌ Premier League។
ក្នុងពេលនោះដែរ ក្លឹបបាននិយាយថាព្រួយបារម្ភពីការផ្ដល់ប្រាក់ឈ្នួលប្រចាំសប្ដាហ៍ ដែលឲ្យថ្លៃជាងគេបំផុតប្រចាំក្លឹប តាមការចុះកុងត្រាតែកីឡាករបង្ហាញទម្រង់លេងមិនតាមចង់បានទាល់តែសោះ។ ម្ចាស់ក្លឹបបិសាចក្រហម ត្រកូល Glazers មិនចង់បញ្ឈប់គោលនយោបាយរកប្រាក់ចំណូលឲ្យបានច្រើន ខណៈពេលដែលលុយទទួលបានពីការលក់សិទ្ធផ្សាយតាមទូរទស្សន៍ត្រូវថយចុះពី១១.៥លានអឺរ៉ូក្នុងមួយប្រកួតមកត្រឹមតែ៩.៣លានងឺរ៉ូ ក្នុងមួយប្រកួតគិតចាប់ផ្ដើមពីឆ្នាំ២០១៩ ដល់រដូវកាល ២០២១-២០២២។
អញ្ចឹងក៏ដោយវីរបុរសក្លឹបបិសាចក្រហមលោក Ryan Giggs បាននិយាយក្នុងពិធីទទួលពាន 2018 Laureus World Sport Award ថាអ្នកគាំទ្ររបស់ក្លឹបគួរតែ Keep Calm សិនចំពោះទម្រង់លេងរបស់ខ្សែប្រយុទ្ធជម្រើសជាតិឈីលី។
“ ខ្ញុំគិតថាគាត់ធ្វើបានល្អហើយ! OK! មិត្តរួមក្រុមរបស់គាត់នៅមិនទាន់ស្វែងរកអ្វីដែលគាត់ចូលចិត្តឃើញនៅឡើយហើយអ្វីដែលគាត់មិនចូលចិត្តក៏ពួកគេរកមិនទាន់ឃើញ។ ពិសេសថាមពលរបស់ក្លឹបពេលខ្លះល្អភ្លាមៗតែពេលខ្លះក៏ត្រូវចាំបន្តិចសិន។ខ្ញុំមិនគិតថាមនុស្សជាច្រើនព្រួយបារម្ភពី Alexis Sanchez នោះទេ គាត់ជាកីឡាករកំពូល”៕
