Real Madrid បានស៊ីញេបន្តកុងត្រាដល់ខ្សែបម្រើឆ្នើម Isco បន្ត៤ឆ្នាំទៀតលើកុងត្រាចាស់ដែលករណីនេះ ធ្វើឲ្យតម្លៃខ្លួនផ្ដាច់កុងត្រារបស់កីឡាករជម្រើសជាតិអេស្ប៉ាញ ឡើងដល់៧០០លានអឺរ៉ូ។
កុងត្រារបស់ Isco នៅសល់មិនដល់១២ខែទៀតនោះទេ នៅកីឡដ្ឋាន Bernabeu ដែលនេះធ្វើឲ្យរូបគេ មានព័ត៌មានជាប់ទាក់ទងផ្ទេរទៅលេងនៅ Barcelona, Manchester United និង Arsenal។ បែបណាក្ដី! តាមប្រភព AS បាននិយាយថា Isco បានចុះកុងត្រា៤ឆ្នាំហើយមានជម្រើសបន្ត១មួយឆ្នាំ បន្ថែមទៀតពីលើទៀត ក្រោយពេលរូបគេ បានក្លាយជាកីឡាករល្អជាងគេប្រចាំការប្រកួតក្នុងពាន UEFA Super Cup ជាមួយ Manchester United។
Real Madrid បានពិភាក្សារក្សាកីឡាករនាំលេងរូបនេះ ឲ្យនៅជាមួយក្លឹបរយៈពេលវែងហើយ AS បញ្ជាក់ថាពួកគេដាក់តម្លៃខ្លួនកីឡាករភ្ជាប់តម្លៃផ្ដាច់កុងត្រា ធ្វើឲ្យរូបគេឡើងតម្លៃខ្លួន៧០០លានអឺរ៉ូហើយបើគិតលុយផោនគឺ៦៤៧លានផោនឯណោះ៕
