តាមប្រភពរបាយការណ៍ពីកាសែតអេស្ប៉ាញ Diario Gol បានឲ្យដឹងថាលោក Perez ចង់បាន Neymar មកជួយតំបន់ប្រយុទ្ធដោយចាប់ដៃគូជាមួយខ្សែប្រយុទ្ធ Ronaldo ដោយសារកីឡាករព័រទុយហ្គាល់មានវ័យ៣៣ឆ្នាំ ក្នុងខែកុម្ភៈខាងហើយ Neymar ឈានចូលវ័យ២៦ឆ្នាំដូចគ្នា។
បែបនេះក្ដី!ការផ្ទេរយក Neymarពីក្លឹបបារាំង PSG, Real Madrid ត្រូវចំណាយលុយច្រើន ដែលនេះធ្វើឲ្យពួកគេលក់កីឡាករខ្លះដូចជា៖ Karim Benzema, Gareth Bale, Raphael Varane និង James Rodriguez។ តម្លៃផ្ដាច់កុងត្រារបស់Neymar គឺ២២២លានអឺរ៉ូ ហើយបើតាមប្រភពមួយចំនួនតម្លៃនឹងឡើងបន្ថែមដល់២៥០លានអឺរ៉ូនៅប៉ុន្មានឆ្នាំខាងមុខទៀត។
ដើម្បីសន្សំលុយឲ្យបានច្រើនបំផុត លោក Perez បានលក់ Alvaro Morata ឲ្យ Chelsea កាលពីដើមរដូវកាលនេះ ប៉ុន្តែគាត់កំពុងមានគម្រោងលក់បន្ថែម៣ទៅ៤នាក់ទៀតនៅពេលឆាប់ៗនេះ។ បើតាមប្រភពជិតស្និតលោក Perezដាក់ Bale លក់យ៉ាងហោចណាស់បាន៨០លានអឺរ៉ូ Bemzema ៦០លានអឺរ៉ូហើយ James និង Varane យ៉ាងកំសោយណាស់ ក៏បាន៥០លានអឺរ៉ូដែរក្នុងតម្លៃខ្លួនម្នាក់ៗ។ តម្លៃនេះអាចសាកសមហើយសម្រាប់លក់ ប៉ុន្តែដោយសារលោក Perez ជាមនុស្សមានបទពិសោធន៍ជោគជាំលើរឿងនេះ ធ្វើឲ្យតម្លៃខ្លួនកីឡាករនីមួយៗអាចនឹងកើនឡើងផងក៏មិនដឹង។
វានឹងក្លាយជាបញ្ហាប្រឈមដល់កីឡាករទាំងបួននាក់ ដែលត្រូវបានលក់ចេញ ស្របពេលពួកគេលេងជាមួយក្លឹបយូរមកហើយ។ តែបើគិតឡើងវិញ! នៅពេលដែលតា Perez ចង់បានអ្វីមួយហើយ គឺគាត់ត្រូវតែទទួលបានពិតប្រាកដ៕
ប្រភព៖ Daily Mail
