ក្រោយពេលការ៤ចាកចេញរបស់ Alvaro Morata ទៅ Chelsea, Madrid កំពុងតែស្វែងរកខ្សែប្រយុទ្ធលេខ៩ថ្មី ខណៈពួកគេបានរកឃើញគោលដៅនិងកំណត់អត្ថសញ្ញាណរួចហើយ គឺកំពូលខ្សែប្រយុទ្ធកំពុងឡើងជើងរបស់ Tottenham កីឡាករ Harry Kane។
Harry Kane គឺជាគោលដៅថ្មីរបស់ Real Madrid។ កីឡាករអង់គ្លេសបានចាប់ផ្ដើមយ៉ាងល្អក្នុងរដូវកាលថ្មីនេះ ដោយបានឈរចំណាត់ថ្នាក់លេខ២ក្នុងចំណោមខ្សែប្រយុទ្ធកំពូលរកគ្រាប់បាល់នៅអឺរ៉ុបនៅឆ្នាំ២០១៧ ជាមួយនឹង៣៦គ្រាប់តាមពីក្រោយ Messi ៤៣គ្រាប់។
អ្វីកាន់តែធ្វើឲ្យ Real ស្រក់ទឹកមាត់ចង់បានគឺខ្សែប្រយុទ្ធក្លឹប Spurs មួយនេះគឺជាកំពូលអ្នករកគ្រាប់បាល់ដ៏អស្ចារ្យដោយរកបាន១៣គ្រាប់ទាំងឲ្យក្លឹប និងជម្រើសជាតិក្នុងខែកញ្ញា(មួយខែរកបាន១៣គ្រាប់)។ តាមប្រភព ” El Chiringuito” Real Madrid បានទាក់ទង Tottenham ស្នើសុំ Kane។ ប៉ុន្តែពេលនេះ ពួកគេគ្រាន់តែចាប់អារម្មណ៍ប៉ុណ្ណោះ ប៉ុន្តែ កីឡាករលំដាប់ហើយគឺថាលោក Perez បានកំណត់មុខសញ្ញារួចហើយ ដោយលោកយកឲ្យបានយ៉ាងហោចណាស់រដូវកាលក្រោយ បើមិនបាននៅខែមករាខាងមុខនេះ។
បើនិយាយពីទំនាក់ទំនងរវាងក្លឹបទាំងពីរគឺហាក់មិនសូវត្រូវគ្នាប៉ុន្មានទេមួយរយៈកាលចុងក្រោយនេះ ប៉ុន្តែបើនិយាយកាលពីមុនវិញជាមិត្តភាពចាកទឹកមិនលេច ដោយ Real Madrid ហ៊ានចំណាយលុយច្រើនទិញយក Luka Modric និងGareth Bale ពី White Hart Land មកកាន់ Bernabeu។
បើតាមការគិត! ខ្សែប្រយុទ្ធកំពុងឡើងជើងម្នាក់នេះ កំពុងតែបង្កើនភាពខ្លាំងរបស់ខ្លួនឲ្យ Real ស្រក់ទឹកមាត់កាន់តែខ្លាំងដើម្បីនាំយករូបគេមកកាន់កៅអីនៅសល់របស់ Morata ឬជំនួស Benzema ដែលកំពុងរបួសហើយធ្លាក់ជើងផងនោះ៕
ប្រភព៖ Besoccer
អត្ថបទ៖ ជាយដែនកីឡា
