ក្លឹបយក្ស Real Madrid កំពុងតាមដានយ៉ាងយកចិត្តទុកដាក់ទៅលើកីឡាកររបស់ Manchester City ម្នាក់គឺ Raheem Sterling ខណៈដែលរូបគេនៅសល់កុងត្រាតែពីរឆ្នាំទៀតប៉ុណ្ណោះជាមួយក្រុមមេឃខៀវ។
កីឡាករសញ្ជាតិអង់គ្លេសរូបនេះកំពុងមានមន្ទិលសង្ស័យអំពីអនាគតរបស់ខ្លួនជាមួយក្លឹប ដោយសារមិនទាន់មានការបន្តកុងត្រាថ្មី ហើយអាចនឹងចាកចេញពីក្លឹបនារដូវក្ដៅខាងមុខនេះទៀតផង។ Sterling ជាកីឡាករដ៏សំខាន់ម្នាក់របស់លោកPep Guadiol aក្នុងរដូវកាលនេះ ដោយគេបានជួយស៊ុតបញ្ចូលទីបាន២០គ្រាប់នៅគ្រប់ការប្រកួត និងជួយក្រុមកាន់កាប់កំពូលតារាង PremierLeague តាំងពីដើមរដូវកាលមក។
ក្លឹប Man City បានតកុងត្រាថ្មីដល់កីឡាករសំខាន់របស់ខ្លួនគឺ Kevin De Bruyne និង David Silva រួចហើយនៅឡើយតែSterlingដែលមិនទាន់បានកាន់ប៊ិចស៊ីញ៉េកុងត្រាថ្មីនិងគេ។ភាពចន្លោះប្រហោងនេះហើយ ដែលនាំឲ្យក្រុមលោកZinedine Zidane កំពុងលេបទឹកមាត់ ចង់បានតារាជើងស៊ុតម្នាក់នេះទៅចូលរួមជាមួយពួកគេ។
Steerling កំពុងឡើងជើងខ្លាំងក្នុងរដូវកាលនេះហើយត្រូវបានគ្រូបង្វឹកជម្រើសជាតិកោះហៅត្រៀមលេង World Cup នៅរុស្សីនាពេលខាងមុខ ដោយនិងចាប់ដៃគ្នាជាមួយ Harry Kane លេងក្នុងតំណែងប្រយុទ្ធ។ជាមួយកុងត្រាចាស់ Raheem Sterling ទទួលបានប្រាក់ឈ្នួលត្រឹមតែ ១៨ម៉ឺនផោនប៉ុណ្ណោះ ក្នុងមួយសប្ដាហ៍ដែលតិចជាខ្សែប្រយុទ្ធខ្លះទៅទៀត តែគេសង្ឃឹមនឹងបានច្រើនជាងនេះបើសិនជាគេព្រមតកុងត្រាថ្មី៕
mirror.uk
