ខណៈពេលលោក ត្រូវរៀបចំក្រុមត្រៀមជួប Real Madrid ក្នុង Champions League មិនដល់ប៉ុន្មានម៉ោងទៀតនោះ លោក Mauricio Pocgettino គ្រូបង្វឹក Tottenham បាននិយាយថាលោក បារម្ភពីឥទ្ធិពលនៃទម្រង់លេងបែប”Magic”របស់ Isco។
Isco បានឈានមកដល់កម្រិតមួយខ្ពស់នៅ Real Madrid ហើយរូបគេត្រូវបានចាត់ទុកថាជាកីឡាករល្អបំផុតមួយរូប ក្នុងចំណោមកីឡាករល្អក្នុងពិភពលោក នេះបើតាមការលើកឡើងរបស់លោក Mauricio Pocgettino។
អតីតកីឡាកររបស់ Valencia និង Malaga រូបនេះកំពុងតែរក្សាដំណែងច្បាស់លាស់មួយនៅ Real Madrid ហើយលោក Poch ធ្លាប់ដឹកនាំក្រុម Espanyol លេងតទល់នឹង Isco បានដឹងពីទម្រង់លេងពិតប្រាកដរបស់កីឡាករអេស្ប៉ាញរូបនេះដែលកំពុងតែឡើងជើងខ្លាំង។
“ខ្ញុំគិតថាគាត់គឺជាកីឡាករល្អម្នាក់ ក្នុងចំណោមកីឡាករកំពូលៗឯទៀត។ខ្ញុំពិតមានសំណាងណាស់ ដែលបានឃើញគាត់លេងនៅក្លឹបខុសៗគ្នា ហើយគាត់តែងតែជាកីឡាករដែលមានគុណភាព និងបង្កើតអ្វីដែលថ្មីពីកម្រិតមធ្យមទៅដល់កម្រិតបង្គួរ។” លោក Pochettino និយាយក្នុងសន្និសិទ្ធកាសែតមុនការប្រកួត។
“ គាត់ដល់កម្រិតឡើងជើងពេញលេញនៅ Real ហើយពួកយើងកំពុងបារម្ភពីគាត់ផងដែរ។ ពួកយើងបានដឹងពីទម្រង់ញាក់បាល់បែប Magic របស់គាត់ហើយ”៕
