លោក Jose Mourinho គ្រូបង្វឹកក្រុមបិសាចក្រហម បានចោទប្រកាន់ពីការធ្វើពុតជាដួល របស់តារាបាល់ទាត់របស់ Man City ក្នុងការប្រកួត Manchester Derby នៅកីឡដ្ឋាន Old Trafford នៅថ្ងៃអាទិត្យនេះ។
ក្រុមរបស់លោក Pep Gaurdiola កំពុងឈរកំពូលតារាលើសក្រុម Man Utd ៨ពិន្ទុ មុនពេលជួបគ្នាខណៈ City ទើបតែបាត់បង់២ពិន្ទុប៉ុណ្ណោះ ក្នុងការប្រកួត១៥ដងនៅរដូវកាលនេះ។ លោក Arsene Wenger ធ្លាប់បានចោទប្រកាន់ Raheem Steriling ក្នុងការប្រកួតដែល Man City ឈ្នះ Arsenal ៣ទល់១កាលពីខែវិច្ឆិកា ខណៈដែល Sean Dyche គ្រូបង្វឹក Bernley ក៏បង្ហាញការមិនសប្បាយចិត្តជាមួយ Bernardo Silva ផងដែរ។
Mourinho បានចោទប្រកាន់កីឡាកររបស់កាំភ្លើងធំ Arsenal ក្នុងជ័យជម្នះ៣ទល់១កាលពីសប្ដាហ៍មុន ហើយពេលគាត់បានបញ្ជាក់ថាកីឡាកររបស់ Man City ក៏ពូកែធ្វើដួលដូចគ្នា។
“ ពួកគេគឺជាក្រុមដ៏ល្អមួយ ពួកគេការពារបានល្អ ពួកគេមានប្រតិកម្មភ្លាមៗ ទៅនឹងស្ថានភាពបាត់បាល់។ ពួកគេមានថាមពលល្អណាស់ ក្នុងតំបន់ប្រយុទ្ធ ពួកគេល្អក្នុងការបង្កើតឱកាស ពួកគេជាកីឡាករអស្ចារ្យ ពួកគេមានគ្រូបង្វឹកឆ្លាតវៃពួកគេមានរឿងល្អៗជាច្រើនទៀត។”
លោកបានបន្តថា៖“រឿងមួយដែលខ្ញុំមិនចូលចិត្តពួកគេគឺពេលដែលពួកគេបាត់បង់តុល្យភាព ក្នុងក្រុមស្រួលៗពេក(ពូកែធ្វើដួល)។
សូមបញ្ជាក់ឡើងវិញ! Manchester United នឹងត្រូវទទួលក្រុមភ្ញៀវ Manchester City នៅយប់ថ្ងៃអាទិត្យទី១០ធ្នូនេះ វេលាម៉ោង១១ និង៣០នាទីយប់។
