ប្រធានក្រុមជម្រើសជាតិអាហ្សង់ទីន Lionel Messi បានអះអាងថា រូបគាត់ និងកីឡាករវ័យក្មេង Paulo Dybala ដែលនៅក្នុងក្រុមជម្រើសជាតិជាមួយគ្នា គឺពុំមានទំនាក់ទំនងអាក្រក់និងគ្នានោះទេ។
កីឡាករវ័យក្មេងពូកែប្រើជើងឆ្វេងដូច Messi ដែរនោះ ពុំមានឈ្មោះនៅក្នុងក្រុមជម្រើសជាតិនាការប្រកួតមិត្តភាពជាមួយ
អ៊ីតាលី និង អេស្ប៉ាញនោះទេ។ អវត្តមានរបស់ Dybala បានធ្វើអោយមានការរិះគន់ជាខ្លាំងពីសំណាក់អ្នកគាំទ្រ ដែលគេយល់ថា សមត្ថភាពរបស់ Dybala គឺសាកសមនិងជាប់ជម្រើសជាតិខ្លាំងណាស់។
សម្រាប់លោក Jorge Sampaoli មានការយល់ឃើញខុសពីមនុស្សជាច្រើនដោយលោកគិតថា Dybala ពុំទាន់មាន
សមត្ថភាព គ្រប់គ្រាន់និងលេងអោយជម្រើសជាតិនោះទេ។ ក្នុង FOX Sport, Messi និយាយថា Dybala លេងក្នុងដំណែងដូចគាត់ទើបមិនបានជាប់ជម្រើសជាតិ។
“Paulo និងខ្ញុំបាននិយាយពីនេះអ្វីដែលគាត់និយាយគឺជាការពិត។នៅ Juventus គាត់លេងរ៉ូលដូចខ្ញុំលេងនៅBarcelona ដែរ។ សម្រាប់ខ្ញុំក្នុងជម្រើសជាតិ គាត់លេងក្នុងដំណែងប្រយុទ្ធស្លាបឆ្វេងដែលជាកន្លែងគាត់មិនធ្លាប់លេង។វាពិតជាពិបាកដែលលេងខាងឆ្វេងខ្ញុំមិនដែលលេងក្នុងតំបន់នោះទេ។ នៅខាងស្ដាំយើងអាចអូសបាល់ចូលក្នុងហើយលេងពេញទីលាន”។
“ ខ្ញុំបានដឹងពីអ្វីដែលគាត់និយាយ មិនចាំបាច់បញ្ជាក់ឲ្យច្បាស់ជាងនេះទៀតទេ”៕
នាយប់នេះ អាហ្សង់ទីន និងត្រូវលេងប៉ះជើងខ្លាំងអេស្ប៉ាញ នាកីឡាដ្ឋានMetropolitano នៃទីក្រុងម៉ាឌ្រីដដែលការប្រកួត
និងចាប់ផ្ដើមនាម៉ោង ២:៣០ នាទីរំលងអាធ្រាត៕
Besoccer
