លោក Gareth Southgate គ្រូបង្គោលក្រុមជម្រើសជាតិអង់គ្លេស បានបង្ហាញឈ្មោះកីឡាករ២៧នាក់ ត្រៀមប្រកួតមិត្តភាពជាមួយក្រុមជម្រើសជាតិហូឡង់ និងអ៊ីតាលីត្រៀមសមត្ថភាពមុន World Cup។
ខណៈពេលដែល Harry Kane ត្រូវនៅក្រៅទីលានដល់ខែមេសា គ្រូបង្វឹករូបនេះបានផ្ដល់ឱកាសឲ្យកីឡាករថ្មីៗមានឈ្មោះក្នុងជម្រើសជាតិ ដោយមានដូចជាអ្នកចាំទីរបស់ Burnley កីឡាករ Nick Pope និង James Tarkowski និងខ្សែការពារកណ្ដាលរបស់ក្លឹប Swansea កីឡាករ Alfie Mason ខណៈដែលកីឡាករទាំងនេះបានបង្ហាញទម្រង់លេងល្អក្នុងឈុត U21 កន្លងមក។
លើសពីនេះគ្រូបង្វឹករូបនេះក៏បានកោះហៅកីឡាករចាស់ៗខានជាប់ជម្រើសជាតិយូរមកហើយមានដូចជា Ashley Young(៣២ឆ្នាំ) Jamie Vardy (៣១ឆ្នាំ), Joe Hart (៣០)។ ដោយឡែកខ្សែបម្រើ Arsenal កីឡាករ Jack Wilshereក៏មានឈ្មោះឡើងវិញ បន្ទាប់ពីរបួសរយៈពេលយូរ។រូបគេលេងឲ្យអង់គ្លេសក្នុងការប្រកួតចុងក្រោយជាមួយអ៊ីស្លង់ក្នុងពាន Euro 2016 ដែលកាលនោះក្រុមតោក្រដាសធ្លាក់ក្រោមថ្វីជើងក្រុមមួយនេះ។
អង់គ្លេសនឹងលេងទល់នឹងហូឡង់នៅថ្ងៃទី២៣មីនា ក្នុងទីក្រុងអាំស្ទែដាំ មុនពេលត្រឡប់មកអង់គ្លេសវិញ ទទួលអ៊ីតាលីក្នុងកីឡដ្ឋាន Wembley។ ខាងក្រោមជាបញ្ជីឈ្មោះកីឡាករទាំងអស់៖
