អតីតខ្សែប្រយុទ្ធ Real Madrid កីឡាករ Mariano Diaz ពេលនេះកំពុងលេងនៅក្លឹប Lyon ក្នុងក្របខ័ណ្ឌ League 1 បាននិយាយពីការចាកចេញពី Real Madrid តាមកាសែត Fiebre Maldini។
ពេលនេះ Mariano កំពុងតែសប្បាយចិត្តជាការប្រកួតប្រជែងថ្មី នៅក្នុងអាជីពបាល់ទាត់របស់ខ្លួន បន្ទាប់ពីផ្ទេរទៅលេងនៅ Lyon កាលពីរដូវក្ដៅឆ្នាំមុន។ ការបង្ហាញទម្រង់លេងល្អពីមួយប្រកួតទៅមួយប្រកួត បានធ្វើឲ្យរូបគេរកគ្រាប់បាល់បាន១៣គ្រាប់ក្នុងចំណោម២២ប្រកួត។ ពេលនេះរូបគេក្លាយជាកីឡាករមានទេពកោសល្យភ្លឺស្វាងមួយរូបនៅ League 1 ប៉ុន្តែយ៉ាងណាកីឡាករមានដើមកំណើតនៅសាធារណរដ្ឋដូមីនីការ មិនដែលបានគិតពីត្រឡប់ទៅលេងនៅ Real Madrid វិញនោះទេ។
“ ពេលនេះ!ខ្ញុំមិនដែលបានគិតអំពីវានោះទេ។ ខ្ញុំកំពុងនៅទីនេះគឺ Lyon កំពុងនៅជាមួយក្រុមមួយ ដែលត្រូវការខ្ញុំចាប់តាំងពីរដើមរដូវកាល ហើយខ្ញុំក៏រីករាយនៅទីនេះដែរ” កីឡាករវ័យ២៤ឆ្នាំពន្យល់ដូច្នេះ។
“ វាគឺជារឿងមួយដែលយើងសម្រេចចិត្តរវាងខ្លួនឯងនិងក្លឹបហើយនេះគឺជាជម្រើសល្អរបស់ខ្ញុំ ដែលចាកចេញហើយទទួលបានការចូលលេងទៀងទាត់នៅកន្លែងផ្សេង ប៉ុន្តែខ្ញុំមិនដែលបិទទ្វាររហូតនោះទេបើ Real Madrid ត្រូវការខ្ញុំ”។
“ ពេលនេះ ក្ដីសុបិនរបស់ខ្ញុំគឺលេងឲ្យក្រុមជម្រើសជាតិអេស្ប៉ាញមានឈ្មោះក្នុងបញ្ជីជម្រើសជាតិបានលេងក្នុងWorld Cup នោះគឺពិតជាអស្ចារ្យ វាអាចជាមោទនភាពមួយ ជាក្ដីសុបិនមួយ”៕
