តារាចម្រៀងស្រីអង់គ្លេស Dua Lipa បានបដិសេធថា នាងគ្មានទំនាក់ទំនងជាមួយ Marco Asensio ដែលជាខ្សែបម្រើប្រយុទ្ធរបស់ Real Madrid ឡើយ។
តាមការចុះផ្សាយពីសារព័ត៌មាននៅប្រទេសទួរគី ធ្លាយដល់ប្រទេសអេស្ប៉ាញ បានសរសេរថា អ្នកទាំងពីរបានណាត់ជួបគ្នា បន្ទាប់ព្រឹត្តិការណ៍ Champions League ផ្ដាច់ព្រ័ត្របានបញ្ចប់នៅថ្ងៃទី ២៦ ខែ ឧសភាកន្លងទៅ។ ហើយមុនការប្រកួតរវាង Real Madrid និង Liverpool តារាចម្រៀង Dua Lipa ក៏ជាអ្នកច្រៀងបើកឆាកផងដែរ។
ក្រោយលេចព័ត៌មានស្នេហាព្រោងព្រាតលើបណ្ដាញសង្គម Dua Lipa វ័យ២២ឆ្នាំបានចេញមកស្រាយច្បាស់ៗថា នាងនិង Asensio មិនដែលធ្លាប់ជួបគ្នានៅក្រៅម្ដងណាសោះ៕
