ឆ្នាំ២០១៧នឹងកន្លងហួសហើយ ក្នុងរយៈពេលមួយថ្ងៃទៀត ខណៈឆ្នាំថ្មីឆ្នាំ ២០១៨ នឹងឈានមកដល់។ វេបសាយអាណាចក្រកីឡា សូមរំលឹកប្រិយមិត្តមកមើលព្រឹត្តិការណ៍ និងរឿងពិសេសដែលបានកើតឡើងក្នុងឆ្នាំ ២០១៧។
១- Barcelona ៦-១ PSG
មនុស្សគ្រប់គ្នាប្រហែលជាចាំមិនទាន់ភ្លេចទេក្នុងការប្រកួត Champions League វគ្គ៨ក្រុមចុងក្រោយកាលពីឆ្នាំ ២០១៧។ជើងទីមួយPSG បានយកឈ្នះ Barcelona ក្នុងទឹកដីខ្លួនឯងដល់ទៅ៤ទល់០ធ្វើឲ្យអ្នកគាំទ្របាល់ទាត់រំពឹងថា Barca នឹងធ្លាក់ចេញពីវគ្គនេះពីព្រោះក្នុងប្រវត្តិសាស្ត្រគ្មានក្លឹបណាមួយអាចវាយបកយកឈ្នះវិញពេលដែលគូប្រកួតឈ្នះដល់ទៅ៤គ្រាប់។ប៉ុន្តែជើងទី២ Barcelona បានវាយបករកបាន៦គ្រាប់វិញគួរឲ្យភ្ញាក់ផ្អើលហើយគ្រាប់បាល់ចុងក្រោយរបស់ Sergio Roberto ជាគ្រាប់បាល់ចារក្នុងសៀវភៅបាល់ទាត់។
២- Messi ធ្វើឲ្យ Bernabeu ស្ងាត់ឈឹង
តារាបាល់ទាត់Barcelona បានបង្កើតភាពភ្ញាក់ផ្អើលមួយពិសេសរូពភាពបង្ហាញអាវដល់អ្នកគាំទ្រក្រោយពេលរកបានគ្រាប់ជ័យជម្នះចុងម៉ោងឲ្យBarcelonaឈ្នះគូរប្រជែងReal Madrid ក្នុងកីឡដ្ឋានBernabeu។
៣- Real Madrid លើកពាន Champions League លើកទី១២
ស្ដេចសបានយកឈ្នះJuventus ក្នុងវគ្គផ្ដាច់ព្រ័ត្រChampions League នាទីក្រុងCardiff City គ្រង់ពាននេះជាលើកទី១២ក្នុងប្រវត្តិសាស្ត្រហើយជាក្រុមដំបូងដែលការពារដំណែងជើងឯកពានធំជាគេនៅអឺរ៉ុបមួយនេះបានសម្រេច។
៤- ការមកដល់របស់ Kylain Mbappe
Kylian Mbappe បានប្រកាសភាពខ្លាំងរបស់ខ្លួនក្នុងបាល់ទាត់ពិភពលោកឆ្នាំ២០១៧។ ការបង្ហាញទម្រង់លេងល្អទាំងល្បឿន ថាមពលនិងតិកនិកបានធ្វើគេយកទៅប្រៀបធៀបជាមួយអតីតវីរបុរសខ្សែប្រយុទ្ធ Thierry Henry និងRonaldo ហើយក្លឹបយក្សបារាំងPSG ចំណាយលុយ១៨០លានអឺរ៉ូទិញយកតែម្ដង។
៥- PSG កែប្រែទីផ្សារទិញដូរកីឡាករពិភពលោក
ដោយទិញ Neymar ក្នុងកំណត់ត្រាថ្លៃបំផុតក្នុងប្រវត្តិសាស្ត្រ២២២លានអឺរ៉ូពី Barcelona ធ្វើឲ្យកីឡាករមានតម្លៃខ្លួនខ្ពស់ជាងគេបំផុតក្នុងប្រវត្តិសាស្ត្រពិភពលោក។
៦- អ៊ីតាលីធ្លាក់ចេញពី World Cup
វាជាលើកដំបូងក្នុងរយៈពេល៦០ឆ្នាំដែលជម្រើសជាតិមួយនេះធ្លាក់ចេញពីWorld Cup ខណៈដែលខ្លួនត្រូវបានគេចាត់ទុកថាជាក្រុមជោគជ័យបំផុតទី២ក្នុងប្រវត្តិសាស្ត្រ World Cupដែលធ្លាក់ចេញពីពានរង្វាន់នេះដោយសារចាញ់ស៊ុយអែតវគ្គPlay-off ទាំងពីរជើង។
៧- វីដេអូជំនួយអាជ្ញាកណ្ដាល(VAR)ត្រូវបានដាក់ឲ្យប្រើប្រាស់លើកដំបូង
ក្របខ័ណ្ឌ Serie A និង Bundesliga ត្រូវបានដាក់ឲ្យប្រើប្រាស់វីដេអូជំនួយការអាជ្ញាកណ្ដាលសម្រាប់រដូវកាល២០១៧/១៨ ដែលនេះមានន័យថា បច្ចេកវិទ្យាបាល់ទាត់មួយនេះ នឹងកើតឡើងហើយប៉ុន្តែក៏មានការរិះគន់និងប្រឆាំងពីមជ្ឈដ្ឋានមួយចំនួនផងដែរ។
៨- Pep បំបែកកំណត់ត្រា
ក្រុមManchester City របស់លោក Pep Guardiola បានបង្កើតកំណត់ត្រាមួយដោយរក្សាជ័យជម្នះឈ្នះរហូតក្នុងPremier League ។
៩-គ្រប់យ៉ាងពី Cristiano Ronaldo
មួយផ្នែកធំពីរឿងទាំងអស់កើតឡើងក្នុងឆ្នាំ២០១៧គឺរឿងរបស់ CR7ខណៈដែលកីឡាករសញ្ជាតិព័រទុយហ្គាល់ជួយ Real Madrid ឈ្នះពាន៥ក្នុងរដូវកាលនេះ ហើយក៏ជាប់ឈ្មោះជាកីឡាករល្អបំផុតប្រចាំឆ្នាំនិងទទួលបានពាន Ballon d’Or លើកទី៥របស់ខ្លួនផងដែរ។
១០-Harry Kane ទម្លាក់កំណត់ត្រារកគ្រាប់បាល់របស់ Ronaldo និង Messi
គិតជាលើកដំបូងចាប់តាំងពីរឆ្នាំ២០០៩មក កីឡាករម្នាក់ដែលរកបានគ្រាប់បាល់ច្រើនជាងគេក្នុងឆ្នាំ ២០១៧លើស Messi និង Cristiano Ronaldo។ខ្សែប្រយុទ្ធរបស់ Tottenham Hotspur, Harry Kane បានបំបែកកំណត់ត្រារបស់កីឡាករល្អបំផុតក្នុងលោក២នាក់ងើយរកបាន៥៦គ្រាប់ឲ្យក្លឹបនិងជម្រើសជាតិក្នុងឆ្នាំ២០១៧៕
