ខ្សែបម្រើជម្រើសជាតិអ៊ីតាលីនិងក្រុម PSG កីឡាករ Marco Verratti បានបញ្ជាក់ថា សូម្បីតែ Messi ក៏ពិបាកបង្ហាញទម្រង់លេងឲ្យល្អដូចទម្រង់លេង Isco បានបង្ហាញក្នុងជំនួបជាមួយជម្រើសជាតិអ៊ីតាលី ដែលអេស្ប៉ាញបានយកឈ្នះក្នុងលទ្ធផល២ទល់០នៃវគ្គជម្រុះ World Cup។
ខ្សែបម្រើ Real Madrid រូបនេះបានបង្ហាញថ្វីជើងយ៉ាងល្អនៅនឹងមុខអ្នកគាំទ្ររបស់ខ្លួន ក្នុងកីឡដ្ឋាន Bernabeu ដោយរកបាន២គ្រាប់ក្នុងវគ្គទីមួយ១ មុនពេលAlvaro Morata រកបានគ្រាប់បាល់ទី៣ឲ្យក្រុមរបស់លោក Julen Lopetegui។ ខ្សែបម្រើ PSG កីឡាករ Verratti ដែលត្រូវបានគេចាត់ទុកជាខ្សែបម្រើល្អបំផុតមួយរូបក្នុងតំបន់អឺរ៉ុប បាននិយាយសរសើរ ទៅលើ Isco បន្ទាប់ពីការប្រកួតហើយពិសេសក្នុងការប្រកួតនេះ Iscoញាក់បាល់ស៊ីប្រឡោះជើងគាត់ក្នុងវគ្គទី២។
Verratti: When I saw Isco’s nutmeg against me, I felt like standing up and applauding too. 👏🏼 pic.twitter.com/XSIVL1Mwac
— SB (@Realmadridplace) September 3, 2017
“ខ្ញុំទទួលបានមេរៀនជាច្រើនជាមួយ Isco ” Verratti និយាយក្រោយចប់ការប្រកួតក្នុងពូលG។ ខ្ញុំត្រូវបានលិចក្រោមបាតទម្រង់លេងរបស់គាត់ (Isco) សូម្បីតែ Messi ក៏អាចបង្ហាញថ្វីជើងដល់កម្រិតនេះដែរ។ ពេលដែលខ្ញុំឃើញគាត់ញាក់ស៊ីប្រឡោះជើងខ្ញុំ ខ្ញុំមានអារម្មណ៍ថាឈរធ្មឹងដូចរូបចម្លាក់អញ្ចឹង” ខ្សែបម្រើជម្រើសជាតិអ៊ីតាលីបានបន្ត។
អេស្ប៉ាញនឹងសង្ឃឹមថារក្សាដំណែងកំពូលតារាងក្រោយពេលឈ្នះការប្រកួតនេះ ស្របពេលពួកគេត្រូវជួបលិចធិនស្តែននៅថ្ងៃអង្គារ ខណៈពេលអ៊ីតាលីជួបអ៊ីស្រាអែល៕
