អ្នកចាត់ការក្រុម Liverpoolលោក Jurgen Kloppបានបង្ហាញក្ដីសង្ឃឹមថា កីឡាករឆ្នើមប្រចាំក្រុមគឺ Mohamed Salah និងអាចបន្តនូវភាពខ្លាំងរបស់ខ្លួន ក្នុងការស៊ុតបញ្ចូលទីបន្ថែមទៀត បន្ទាប់ពីស៊ុតបានគ្រាប់បាល់ទី៣០របស់ខ្លួនក្នុងរដូវកាលនេះ។
គ្រាប់បាល់ទី៣០របស់គេ គឺស៊ុតទល់និងក្រុមជើងខ្លាំងនៅព័រទុយហ្គាល់ FC Portoក្នុងថ្ងៃប្រកួត UEFA Champion League ជើងទី១ ដែលធ្វើឲ្យគេក្លាយជាកីឡាករដែលអាចស៊ុតបញ្ចូលទីបានលឿនជាងគេរហូតដល់៣០គ្រាប់ ដោយចំណាយពេលត្រឹមតែ៣៦ប្រកួតដំបូង ដោយតាមពីក្រោយកំណត់ត្រារបស់វីរបុរស Liverpool កីឡាករ George Allan ហើយលោកJurgen Kloppជឿជាក់ថា គេនឹងអាចស៊ុតបាល់បានច្រើនគ្រាប់បន្តទៀតរហូតចប់រដូវកាល។
គ្រូបង្វឹកសញ្ជាតិអាល្លឺម៉ង់បាននិយាយថា៖” រដូវកាលនេះគាត់ពិតជាលេងបានល្អមែនទែន ខ្ញុំបានសង្កេតមើលរួចទៅហើយៗគាត់ពិតជាសំខាន់សម្រាប់ក្រុមខ្លាំងណាស់។ ខ្ញុំគិតថាគ្រាប់បាល់នីមួយៗសុទ្ធតែជាគ្រាប់បាល់ជ័យជំនះហើយមានសារៈសំខាន់។”
ខណៈពេលដែល Salahកំពុងតែឡើងជើងមិត្តរួមក្រុម Sadio Maneក៏បានបង្ហាញទម្រង់លេងយ៉ាងល្អ ក្នុងប្រកួតទល់និងក្រុម Porto ដោយរកបាន hat-trick ទោះ បីជាក្នុងរដូវកាលនេះគេលេងពុំសូវបានចូលលេងគ្រប់គ្រាន់ និងបង្ហាញទម្រង់លេងល្អក៏ដោយ៕
ប្រភព: besoccer
អត្ថបទ៖ម៉េងគា
