លោក Jurgen Klopp បានលើកឡើងថា Mohamed Salah មានផ្លូវវែងឆ្ងាយបើសិនជាគេចង់យកតារាឆ្នើមអេហ្ស៊ីបរូបនេះទៅប្រៀបធៀបនឹង Cristiano Ronaldo ពោលគឺត្រូវប្រើពេលយ៉ាងហោចណាស់១៥ឆ្នាំទៀត។
គ្រូបង្វឹកសញ្ជាតិអាល្លឺម៉ង់បានបន្ថែមទៀតថា៖ “Mo មានរដូវកាលដ៏អស្ចារ្យប៉ុន្តែ Cristiano បានលេង(អស្ចារ្យ) របៀបនេះចំនួន១៥រដូវកាលមកហើយ”។
តារាឆ្នើមអេហ្ស៊ីបកំពុងជោគជ័យខ្លាំងក្នុងអាជីពបាល់ទាត់នៅអង់គ្លេស ដោយទាត់បញ្ចូលទីបាន ៤៤ គ្រាប់គ្រប់កម្មវិធីនៅរដូវកាលនេះ ក្នុងនោះ ៣២គ្រាប់ធ្វើបាននៅ Premiere League ដែលនាំឲ្យអតីតកីឡាករ Chelsea រូបនេះឈ្នះស្បែកជើងមាសថែមទៀតផង។
ហេតុផលសំខាន់មួយដែលគ្រូបង្វឹក Liverpool ហ៊ានអះអាងបែបនេះដោយលោកយោងលើសមិទ្ធផលរបស់ម្ចាស់ពាន Ballon d’Or ៥សម័យកាលមានជាច្រើន ដែលតារាទើបរះរបស់ហង្សក្រហមមិនទាន់អាចផ្គូរផ្គងបានឡើយ។
