តារាបាល់ទាត់របស់ Chelsea កីឡាករ Eden Hazard បានបញ្ជាក់ថាគាត់សប្បាយរីករាយជាមួយអាជីពបាល់ទាត់នៅPremier League ប៉ុន្តែការស្រឡាញ់ Real Madrid គឺជាសម្ដីរបស់និយាយម្ដងហើយម្ដងទៀត។
Hazard មានវ័យ២៦ឆ្នាំទៅហើយតែងតែមានទំនាក់ទំនងផ្ទេរចេញពីកីឡដ្ឋាន Stamford Bridge, ដែលជាទ្រនំដំបូងបំផុតនៅអង់គ្លេស ក្រោយចាកចេញពីក្លឹប Lille កាលពីឆ្នាំ២០១២។ ខ្សែប្រយុទ្ធជម្រើសជាតិបែលហ្សិក ធ្លាប់និយាយអំពីការស្រឡាញ់ Real Madrid និងគ្រូបង្វឹកលោក Zinedine Zidane។
បែបនេះក្ដី! កីឡាករកំពុងតែបង្ហាញទម្រង់លេងល្អដោយបាន៦គ្រាប់ក្នុងចំណោម១៥ប្រកួត គ្រប់កម្មវិធីប្រកួតក្នុងរដូវកាលនេះបាននិយាយថានៅតែរីករាយនៅ Chelsea។
“ ខ្ញុំតែងតែងរីករាយនៅជាមួយក្លឹបនេះ ខ្ញុំនៅសល់កុងត្រា២ឆ្នាំទៀត។ ពេលដែលខ្ញុំមានអារម្មណ៍ចង់ចាកចេញ ខ្ញុំនឹងត្រូវតែចាកចេញ ប៉ុន្តែសម្រាប់ពេលនេះ ខ្ញុំគឺជាកីឡាកររបស់តោខៀវ។”Hazard និយាយក្នុង Canal+។
“ យើងដឹងពីអារម្មណ៍ស្រឡាញ់របស់ខ្ញុំចំពោះ Real Madrid ប៉ុន្តែ ខ្ញុំនៅ Chelsea។ រៀងរាល់ឆ្នាំ អ្វីៗបាននិយាយពីខ្ញុំជាច្រើន ប៉ុន្តែនៅតែលេងនៅទីនេះ។ កាលនៅ Lille ខ្ញុំធ្លាប់គេប្រកាសថាទៅលេងនៅ Paris ប៉ុន្តែខ្ញុំនៅដដែល ហើយនៅChelsea មនុស្សតែងតែនិយាយថាខ្ញុំចាកចេញ ប៉ុន្តែមកដល់ពេលនេះខ្ញុំលេងឲ្យ Chelsea ដដែល”៕
