ទោះបីវាកន្លងផុតទៅហើយក្ដី! ការផ្ទេរចេញពី Barcelonaរបស់ Neymar ទៅលេងនៅ Paris Saint-Germain នៅតែស្ថិតក្នុងទំព័រមុខ ខណៈ Eric Cantona បាននិយាយពីរឿងនេះដែរ។
អតីតកីឡាករជម្រើសជាតិបានបង្ហាញការមិនយល់ពីគោលបំណង ហេតុអ្វីបានជាប្រធានក្រុមប្រេស៊ីលរូបនេះ ចាកចេញពីអេស្ប៉ាញទៅលេងនៅបារាំង។
អតីតខ្សែប្រយុទ្ធរបស់ Manchester United បាននិយាយក្នុង Yahoo Sport ថា៖“ ពេលដែលអ្នកមានវ័យ២៥ឆ្នាំ ហើយលេងឲ្យក្លឹបធំដូចជា Barcelona និងជម្រើសជាតិប្រេស៊ីលទៀត។ ខ្ញុំឆ្ងល់ថាហេតុអ្វីត្រូវប្ដូរទៅលេងនៅ Ligue 1 ឬអ្នកចង់ទៅលេងតទល់ជាមួយ Amiens ឬក៏ Guingamp? នេះវាមិនមែនជាការលេងបាល់ទាត់ពិតប្រាកដ និងការស្រឡាញ់នោះទេ”។
Eric Cantona on Neymar, he’s not impressed. pic.twitter.com/Qg2MyeoYBx
— Coral (@Coral) November 16, 2017
បើនិយាយឧទាហរណ៍ថាប្ដូរទៅលេងនៅបារាំងដោយសារចង់ឈ្នះ Champions League, Cantona បានបន្ថែម៖” ពាន Champions League។ ច្រើនបំផុតគេលេងតែ១០ប្រកួតទេ។ ខ្ញុំគ្រាន់តែឆ្ងល់ថាហេតុអ្វីគាត់ទៅលេងបារាំងតែប៉ុណ្ណឹង!”៕
