Ronaldo, Benzema, និង Gaeth Bale បានចូលជាមួយគ្នាជាលើកដំបូងក្នុងរយៈពេល២៧៩ថ្ងៃទល់នឹង Valencia កាលពីយប់មិញហើយក្នុងឱកាសនោះ ពួករកបានកំណត់ត្រាគ្រាប់បាល់។
Ronaldo រកបាន២គ្រាប់ដោយបាល់ពិន័យ១១ម៉ែត្រក្នុងចំណោម៤គ្រាប់បន្ថែមដោយ Marcelo និង Kroos។ អ្វីដែលជាកំណត់ត្រាអំឡុង BBC លេងជាមួយគ្នាក្នុងជ័យជម្នះ៤-១នោះគឺពេលនេះ ខ្សែប្រយុទ្ធទាំងបីរកបាន៤០០គ្រាប់ហើយឲ្យReal Madrid។
តួលេខនេះបានធ្វើឲ្យគេ ជិតតាមទាន់កំណត់ត្រារបស់អតីតដៃគូប្រយុទ្ធ៣នាក់២សម័យកាលក្នុងប្រវត្តិសាស្រ្ត Real។ Ronaldo រកបាន២២៥គ្រាប់ក្នុងចំណោម៤០០គ្រាប់របស់ BBC ខណៈដែល Benzema រកបាន៩៩គ្រាប់និង Bale រកបាន៧៦គ្រាប់ដោយឲ្យពួកគេជិតតាមទាន់គ្រាប់៤២០គ្រាប់របស់ Michel, Emilio Butragueno និង Hugo Sanchez អំឡុងទសវត្សចុងឆ្នាំ៨០និង៤៦៤គ្រាប់ដែលរកបានដោយ Alfredo Di Stefano, Ferenc Puskas និង Paco Gento ចន្លោះឆ្នាំ១៩៥៨ដល់ឆ្នាំ១៩៦៤៕
[youtube id=”qt13pXFT4tg”]
