Barcelona កំពុងរង់ចាំម្ចាស់អាវលេខ 7

ក្រោយពីស៊ុតចូល៤គ្រាប់ម្នាក់ឯងកាលពីយប់មិញ Antoine Griezmann បានធ្វើអោយ Barcelona កាន់តែចាប់អារម្មណ៍ខ្លាំងទៅលើអនាគតម្ចាស់អាវលេខ៧របស់ខ្លួនម្នាក់នេះ។

Griezmann គឺជាគោលដៅទិញចូលដ៏សំខាន់បំផុតរបស់ក្លឹបយក្សមួយនេះ នៅពេលទីផ្សារដោះដូរបើកនៅរដូវក្ដៅនេះ។ បើតាមរបាយការណ៍ពីកាសែត Sport បានអះអាងថា កីឡាករជម្រើសជាតិបារាំងរូបនេះ បានព្រមព្រៀងលក្ខខណ្ឌផ្ទាល់ខ្លួនរួចរាល់ហើយជាមួយ Barcelona ហើយការផ្ទេរអាចនឹងកើតឡើងនៅពេលចប់រដូវកាលនេះ។ ទោះជាយ៉ាងណាក៏ដោយ លោក Diego Simone គ្រូបង្វឹក Athletico Madrid ឆ្លើយតបទៅ និងពាក្យចចាមអារ៉ាមនេះថា Griezmann មិនបានដឹងអំពីរឿងនេះទេ ហើយគេនិងមិនអានសូម្បីតែចំណងជើងព័ត៌មាន។

Barcelona ត្រូវការកីឡាករម្នាក់ទៀតដើម្បីពាក់អាវលេខ7របស់ខ្លួន ហើយតាមមើលគ្មាននរណាដែលសាកសម និងលេខនេះជាង Antoine Griezmann នោះទេ។ កាលពីខែមុន Philippe Coutinho ត្រូវបានគេសម្រេចអោយពាក់អាវលេខ14 ដើម្បីទុកអាវលេខ 7 អោយនៅទំនេរ ដែលនេះជាសញ្ញាប្រាប់ថា លេខនេះគឺសម្រាប់តែ Griezmann ប៉ុណ្ណោះ៕