ជម្រើសល្អបំផុតរបស់ At. Madrid នៅពេលនេះគឺមានតែខ្ចីជើងខ្សែប្រយុទ្ធ Diego Costa ពី Chelsea ដើម្បីការពារមិនឲ្យក្លឹបនៅចិនយកលេងនៅ Chinese Super League រហូតដល់ការពិន័យពី FIFA ត្រូវផុតកំណត់។
ក្លឹបលេងនៅលីគ La liga បានត្រៀមខ្លួនរួចហើយក្នុងពិភាក្សាជាមួយខ្សែប្រយុទ្ធតោខៀវរូបនេះប៉ុន្តែ ការទិញលក់ដោយប្រើលុយ At. Madrid មិនអាចធ្វើបាននៅឡើយពីព្រោះពួកគេត្រូវរង់ចាំដល់ខែមករាឆ្នាំ២០១៧សិនទើបអាចទិញកីឡាករចូលបាន។
Tianjian Quanjian ជាក្លឹបនៅចិនមួយដែលហ៊ានចំណាយលុយ៧៦លានផោនក្នុងការដាក់ស្នើទិញយក Costa ប៉ុន្តែ ក្លឹបយក្សអេស្ប៉ាញបានពិភាក្សាខ្ចីជើងកីឡាករវ័យ២៨ឆ្នាំដោយសង្ឃឹមថានឹងរួចរាល់ពេលរដូវកាលដោះដូរកីឡាករតែម្ដង៕
