ក្រុមកាំភ្លើងធំ Arsenal បានទទួលជោគជ័យក្នុការស៊ីញេកុងត្រាយកខ្សែប្រយុទ្ធ Lyon កីឡាករ Alexandre Lacazette ក្នុងតម្លៃបំបែកកំណត់ត្រារបស់ក្លឹប៥២លានផោន។
លោក Arsenge Wenger បានតាមប្រមាញ់ខ្សែប្រយុទ្ធបារាំងរូបនេះយូរមកហើយ តែពេលនេះគាត់បានសម្រេចក្នុងការនាំ យកកីឡាកររកគ្រាប់បាល់បាន៣៧គ្រាប់កម្មវិធីប្រកួតកាលពីរដូវកាលមុនដូចការគ្រោងទុកហើយ។ កីឡាករវ័យ២៦ឆ្នាំត្រូវបានគេដឹងថា បានយល់ព្រមចុះកុងត្រារយៈពេល៥ឆ្នាំ ហើយក្លាយជាកីឡាករមានតម្លៃខ្លួនថ្លៃជាងគេប្រចាំប្រវត្តិសាស្រ្តក្រុមកាំភ្លើងធំគឺថ្លៃជាងកាលលោក Wenger ទិញ Mesut Ozil ពី Real Madrid ក្នុងឆ្នាំ២០១៣៕
ក្រៅពីកីឡាករបារាំងរូបនេះ Arsenal ទិញបានខ្សែការពារ Sead Kolasinac ពីក្លឹប Schalke របស់អាល្លឺម៉ង់ក្នុងលក្ខខណ្ឌគ្មានតម្លៃខ្លួនក្នុងរដូវដោះដូរកីឡាករនេះ ខណៈរបាយការណ៍ផ្សេងទៀតបាននិយាយថា ក្លឹបមានមូលដ្ឋាននៅទីក្រុង ឡុងដុង នឹងនាំយកខ្សែបម្រើប្រយុទ្ធស្លាប Riad Mahrez របស់ Liecester City ឬក៏ Thomas Lemar របស់ Monaco មកEmirates Stadium។
តែយ៉ាងណា! ពួកគេមិនទាន់បានបន្តកុងត្រាថ្មីជាមួយ Ozil, Alexis Sanchez, Aaron Ramsey និង Alex Oxlade-Chamberlain ខណៈខ្សែការពារស្លាប Hector Bellerin នៅតែមានងទិភាពត្រឡប់ទៅលេងនៅ Barcelona វិញ៕
[youtube id=”yrIIppuJGPA”]
